OG OTT Release: పవర్ స్టార్ పవన్ కళ్యాణ్ నటించిన ‘ఓజీ’ సినిమా థియేటర్లలో భారీ విజయాన్ని సాధించింది. గత నెల 25న విడుదలైన ఈ చిత్రం ఇప్పటికీ విజయవంతంగా ప్రదర్శితమవుతుండగానే, ఇప్పుడు డిజిటల్ స్ట్రీమింగ్‌కి సిద్ధమైంది. ప్రముఖ ఓటీటీ ప్లాట్‌ఫాం నెట్‌ఫ్లిక్స్ ఈ చిత్ర డిజిటల్ హక్కులను భారీ మొత్తానికి కొనుగోలు చేసింది. ఈ నెల 23 నుంచి నెట్‌ఫ్లిక్స్‌లో ‘ఓజీ’ స్ట్రీమింగ్ అందుబాటులోకి రానుంది. సాధారణంగా పెద్ద సినిమాలు విడుదలైన నాలుగు వారాల తర్వాత ఓటీటీలోకి వస్తాయి, అదే విధంగా ఈ చిత్రం కూడా డిజిటల్ ప్లాట్‌ఫామ్‌లోకి అడుగుపెడుతోంది.
డీవీవీ ఎంటర్‌టైన్‌మెంట్ ప్రకారం, ‘ఓజీ’ ప్రపంచవ్యాప్తంగా రూ. 325 కోట్లకు పైగా గ్రాస్ వసూలు చేసింది, త్వరలో రూ. 350 కోట్ల మార్కును దాటే అవకాశముంది. ముంబై మాఫియా నేపథ్యంతో యువ దర్శకుడు సుజీత్ ఈ చిత్రాన్ని తెరకెక్కించగా, ప్రియాంక అరుళ్ మోహన్, ఇమ్రాన్ హష్మి, ప్రకాశ్ రాజ్, అర్జున్ దాస్, శ్రీయా రెడ్డి కీలక పాత్రల్లో నటించారు. డీవీవీ దానయ్య, కల్యాణ్ దాసరి నిర్మించిన ఈ చిత్రానికి తమన్ సంగీతం అందించారు. థియేటర్‌లో మిస్ అయిన అభిమానులు ఈ నెల 23 నుంచి నెట్‌ఫ్లిక్స్‌లో ఈ సినిమాను వీక్షించవచ్చు.
“News5am is a digital news platform that delivers crisp and reliable updates. It provides timely coverage of current affairs, sports, entertainment, business, and technology”.
Internal Links:
ఈనెల 17న కరూర్‌ వెళ్లనున్న టీవీకే చీఫ్‌ విజయ్‌..
External Links:
‘ఓజీ’ ఓటీటీ విడుదల తేదీ ఖరారు… స్ట్రీమింగ్ ఎక్కడంటే..!