Robo shankar: తమిళ సినీ పరిశ్రమలో విషాదం చోటుచేసుకుంది. ప్రముఖ హాస్యనటుడు రోబో శంకర్ (46) సెప్టెంబర్ 18న కన్నుమూశారు. చెన్నైలోని ప్రైవేటు ఆసుపత్రిలో చికిత్స పొందుతూ ఆయన ప్రాణాలు కోల్పోయారు. కొన్ని నెలలుగా కామెర్లు సమస్యతో బాధపడుతున్నారు. ఇటీవల షూటింగ్ సమయంలో స్పృహ తప్పి పడిపోవడంతో ఆసుపత్రికి తరలించారు. ఐసీయూలో చికిత్స పొందినా పరిస్థితి విషమించి తుదిశ్వాస విడిచారు. “హే”, “దీపావళి” సినిమాలతో కెరీర్ ప్రారంభించారు. ధనుష్ నటించిన “మారి”తో మంచి గుర్తింపు తెచ్చుకున్నారు. ఆ తర్వాత “విశ్వాసం”, “వేలైక్కారన్” వంటి హిట్ చిత్రాల్లో నటించారు.
రోబో శంకర్ మరణం సినీ వర్గాలను కలిచివేసింది. పలువురు ప్రముఖులు ఆయనకు నివాళులు అర్పించారు. కమల్ హాసన్ భావోద్వేగంగా స్పందించారు. “రోబో శంకర్ అనేది పేరు మాత్రమే, నాకు నువ్వు తమ్ముడివి. నన్ను వదిలి ఎలా వెళ్ళిపోతావు? నీ పని పూర్తయింది, కానీ నా పని ఇంకా మిగిలి ఉంది” అని తెలిపారు. మృతదేహాన్ని ఆయన చెన్నై వలసరవక్కంలోని నివాసానికి తరలించారు. శుక్రవారం అంత్యక్రియలు జరగనున్నాయి.
“News5am is a fast, reliable, and reader-friendly news platform that delivers the latest updates from around the world. It covers breaking news, entertainment, business, technology, and lifestyle stories in a crisp and easy-to-read format“.
Internal Links:
కల్కీ సినిమా నుంచి దీపికా పదుకునే అవుట్..
అక్కినేని అభిమానులకు గుడ్ న్యూస్..
External Links:
ఇండస్ట్రీలో విషాదం.. కామెడీతో అలరించిన రోబో శంకర్ మృతి