Bharat Taxi Government Launches

Bharat Taxi Government Launches: కేంద్ర ప్రభుత్వం ప్రైవేట్ క్యాబ్ యాప్‌లకు ప్రత్యామ్నాయంగా ‘భారత్ ట్యాక్సీ’ అనే కొత్త రైడ్–హైలింగ్ సేవను ప్రారంభించేందుకు సిద్ధమవుతోంది. న్యాయమైన చార్జీలు, పారదర్శక విధానం, డ్రైవర్ల సంక్షేమం, ప్రయాణికుల భద్రతే ఈ యాప్ ప్రధాన లక్ష్యాలు. సహకార మంత్రిత్వ శాఖ ఆధ్వర్యంలో ఈ సేవ రాబోయే కొన్ని నెలల్లో దేశవ్యాప్తంగా అందుబాటులోకి రానుంది. ఇప్పటికే ఢిల్లీ, గుజరాత్ వంటి రాష్ట్రాల్లో బీటా వెర్షన్ పనిచేస్తోంది. ప్రైవేట్ యాప్‌లు డ్రైవర్ల ఆదాయంలో పెద్ద భాగం తీసుకుంటున్న నేపథ్యంలో, ఈ కొత్త వ్యవస్థ ద్వారా రైడ్ ద్వారా వచ్చే మొత్తం ఆదాయం నేరుగా డ్రైవర్లకే అందేలా ప్రభుత్వం చర్యలు తీసుకుంటోంది.

భారత్ ట్యాక్సీ పూర్తిగా డ్రైవర్–ఫస్ట్ ప్లాట్‌ఫామ్‌గా పనిచేయనుంది. సహకార్ ట్యాక్సీ కోఆపరేటివ్ లిమిటెడ్ దీనిని నిర్వహించనుండగా, అముల్, ఇఫ్కో, నాబార్డ్ వంటి సంస్థల మద్దతు ఉంది. డ్రైవర్లకు రైడ్ చార్జీలతో పాటు వాహనాల్లో ప్రకటనల ద్వారా అదనపు ఆదాయం పొందే అవకాశం ఉంటుంది. ప్రయాణికులకు సర్జ్ ప్రైసింగ్ లేకుండా లేదా తక్కువగా, రియల్ టైమ్ ట్రాకింగ్, ట్రిప్ షేరింగ్, 24×7 కస్టమర్ కేర్ వంటి సౌకర్యాలు లభిస్తాయి. ప్రభుత్వం నేరుగా ఈ రంగంలోకి రావడం ఇదే తొలిసారి కావడంతో, భారత్ ట్యాక్సీ విజయవంతమైతే ట్యాక్సీ రంగంలో పెద్ద మార్పులు వచ్చే అవకాశం ఉందని భావిస్తున్నారు.

“News5am is a digital news platform that delivers crisp and reliable updates. It provides timely coverage of current affairs, sports, entertainment, business, and technology”.