LPG Shortage

LPG Shortage: ప్రపంచవ్యాప్తంగా చమురు, గ్యాస్ సంక్షోభం పెరుగుతున్న నేపథ్యంలో భారత్‌లో ఎల్పీజీ కొరతపై ఆందోళనలు వ్యక్తమయ్యాయి. హోర్ముజ్ జలసంధిలో ఉద్రిక్తతలు, ఇరాన్‌పై ట్రంప్ హెచ్చరికలతో పరిస్థితి మరింత క్లిష్టమైంది. ఈ పరిస్థితుల్లో దేశంలో ఎల్పీజీ సరఫరా నిలకడగా ఉండేందుకు మోడీ ప్రభుత్వం చర్యలు చేపట్టింది. ముఖ్యంగా 5 కిలోల చిన్న సిలిండర్ల (ఎఫ్‌టీఎల్) సరఫరాను పెంచింది. ఇవి మార్కెట్ ధరలకు అందుబాటులో ఉండి, సమీప గ్యాస్ ఏజెన్సీలలో సులభంగా లభిస్తున్నాయి. మార్చి 23 నుంచి ఇప్పటివరకు సుమారు 6.6 లక్షల సిలిండర్లు అమ్ముడయ్యాయని ప్రభుత్వం తెలిపింది.

ఈ చిన్న సిలిండర్లను కొనడానికి చిరునామా రుజువు అవసరం లేకుండా, కేవలం ఐడీ ప్రూఫ్ ఉంటే సరిపోతుంది. దీంతో ప్రజలు సులభంగా వీటిని పొందుతున్నారు. మరోవైపు, ఎల్పీజీ, పెట్రోల్, డీజిల్ నిల్వలపై ప్రభుత్వం కఠిన చర్యలు తీసుకుంటోంది. బ్లాక్ మార్కెటింగ్‌పై దాడులు చేసి వేల సంఖ్యలో తనిఖీలు నిర్వహించింది. కొన్ని డీలర్లపై సస్పెన్షన్ చర్యలు కూడా తీసుకుంది. ఇదిలా ఉండగా, దేశంలోని రిఫైనరీలు పూర్తి స్థాయిలో పనిచేస్తున్నాయని, సరఫరాలో ఎలాంటి అంతరాయం లేదని ప్రభుత్వం స్పష్టం చేసింది. భవిష్యత్తులో LNG సరఫరా పెరగడంతో పరిస్థితి ఇంకా మెరుగుపడే అవకాశముందని అధికారులు తెలిపారు.

“News5am is a digital news platform that delivers crisp and reliable updates. It provides timely coverage of current affairs, sports, entertainment, business, and technology”.