Revanth Reddy Responds: తెలంగాణ అసెంబ్లీ సమావేశాలు ప్రారంభమైన రోజే ఆసక్తికర పరిణామం చోటుచేసుకుంది. అసెంబ్లీ ప్రాంగణంలో బీఆర్ఎస్ అధినేత, మాజీ సీఎం కేసీఆర్ను ముఖ్యమంత్రి రేవంత్ రెడ్డి కలుసుకుని కరచాలనం చేశారు. అయితే కొద్దిసేపటికే కేసీఆర్ సభ నుంచి వెళ్లిపోయారు. దీనిపై మీడియా అడిగిన ప్రశ్నలకు సీఎం రేవంత్ రెడ్డి స్పందిస్తూ, తాను కేసీఆర్తో మాట్లాడిన విషయాలను అక్కడే అడగాలని చెప్పారు. కేసీఆర్ను కలవడం ఇదే మొదటిసారి కాదని, గతంలో ఆయన ఆస్పత్రిలో ఉన్నప్పుడు కూడా కలిసినట్లు తెలిపారు. కేసీఆర్ మధ్యలో ఎందుకు వెళ్లిపోయారో ఆయన్నే అడగాలని అన్నారు. అలాగే సభ సభ్యుల గౌరవాన్ని కాపాడుతూ, పార్లమెంట్ సెంట్రల్ హాల్ తరహాలో అసెంబ్లీలోనూ సెంట్రల్ హాల్ ఏర్పాటు చేసి ఎమ్మెల్యేలు, మంత్రులు, మాజీ సభ్యులకు ప్రవేశం కల్పిస్తామని చెప్పారు.
ఇదిలా ఉండగా, సీఎం రేవంత్ రెడ్డి అధ్యక్షతన మంత్రుల సమావేశం ముగిసింది. ఈ సమావేశంలో నీటి వాటాల అంశంపై మంత్రులు అప్రమత్తంగా ఉండాలని సూచించారు. అసెంబ్లీ సమావేశాలకు హాజరు తప్పనిసరిగా ఉండాలన్నారు. బీఆర్ఎస్ పార్టీ తన ఉనికిని కాపాడుకునే ప్రయత్నం చేస్తోందని, ప్రతిపక్షానికి సమాధానం ఇవ్వడానికి సిద్ధంగా ఉండాలని చెప్పారు. జిల్లాల వారీగా మంత్రులు చురుకుగా వ్యవహరించాలని, ప్రతిపక్షం లేవనెత్తే ప్రతి అంశానికి స్పష్టమైన సమాధానం ఇవ్వాలని సూచించారు. అలాగే ఈ నెల 4వ తేదీన మళ్లీ బీఏసీ సమావేశం నిర్వహిస్తామని సీఎం వెల్లడించారు.
“News5am is a digital news platform that delivers crisp and reliable updates. It provides timely coverage of current affairs, sports, entertainment, business, and technology”.
Internal Links:
మంత్రిగా రవీంద్ర జడేజా భార్య ప్రమాణం
సీఎం భూపేంద్ర పటేల్ మినహా గుజరాత్ మంత్రులందరూ రాజీనామా చేశారుసుప్రీంకోర్టులో
External Links:
సభలో నుంచి కేసీఆర్ ఎందుకు వెళ్ళిపోయారో ఆయన్నే అడగండి..