ముఖ్యమంత్రి రేవంత్ రెడ్డి ఈరోజు వరంగల్ లో అందుబాటులో ఉండడంతో వరంగల్ పోలీసులు భారీ బందోబస్తు ఏర్పాటు చేశారు. ఆందోళనకారులపై ప్రత్యేక నిఘా ఉంచారు. పోలీసులు బాంబ్ స్క్వాడ్, డాగ్ స్క్వాడ్‌లతో క్షుణ్ణంగా తనిఖీలు చేపట్టారు. కమిషనరేట్‌తోపాటు ఇతర జిల్లాల నుంచి కూడా ఏర్పాట్లు చేశారు సీఎం కాన్వాయ్‌ వెళ్లే మార్గంపై కాళోజీ కళాక్షేత్రం ఆర్ట్స్‌ అండ్‌ సైన్స్‌ గ్రౌండ్‌, ఎస్‌బీ, ఇంటెలిజెన్స్‌, స్థానిక పోలీసులు ప్రత్యేక దృష్టి సారించారు. ట్రిపుల్ భద్రతా చర్యలు చేపట్టారు.
అపరిచితుల కదలికలను పసిగట్టేందుకు క్రైమ్ ల్యాండ్ ఆర్డర్ పోలీసులు టాస్క్ ఫోర్స్ బృందాలతో పాటు మఫ్టీలో విధులు నిర్వహిస్తున్నారు. దాదాపు 1500 మంది పోలీసులు విధులు నిర్వహిస్తున్నారు. వీరిలో ఇతర జిల్లాలకు చెందిన 800 మంది, వరంగల్ కమిషనరేట్ పరిధిలో 7 మంది ఎస్‌ఎస్‌ఎల్‌లు, 20 మంది డీఎస్పీలు పనిచేస్తున్నారు. ఆర్ట్ కళాశాల ఆడిటోరియం వద్దకు చేరుకుని తిరిగి హైదరాబాద్ వచ్చే వరకు ఎలాంటి ఆటంకాలు లేకుండా ముందస్తు చర్యలు చేపట్టారు.