IND vs SA 4th T20I: నేడు లక్నోలో భారత్–దక్షిణాఫ్రికా మధ్య కీలకమైన నాల్గవ టీ20 మ్యాచ్ జరగనుంది. ఐదు మ్యాచ్ల సిరీస్లో టీమిండియా ప్రస్తుతం 2-1 ఆధిక్యంలో ఉంది. ఈ మ్యాచ్లో గెలిస్తే, మరో మ్యాచ్ మిగిలి ఉండగానే సిరీస్ను భారత్ కైవసం చేసుకుంటుంది. దక్షిణాఫ్రికాకు మాత్రం ఇది తప్పక గెలవాల్సిన మ్యాచ్. సూర్యకుమార్ యాదవ్ నేతృత్వంలోని భారత జట్టు గత మ్యాచ్లో భారీ విజయం సాధించి ఆత్మవిశ్వాసంతో ఉంది. అయితే కెప్టెన్ సూర్యకుమార్, ఓపెనర్ శుభ్మన్ గిల్ ఫామ్ జట్టుకు కాస్త ఆందోళన కలిగిస్తోంది.
బౌలింగ్లో వరుణ్ చక్రవర్తి అద్భుతంగా రాణిస్తుండగా, అర్షదీప్ సింగ్, హర్షిత్ రాణా పవర్ప్లేలో కీలకం కానున్నారు. మిడిల్ ఆర్డర్లో తిలక్ వర్మ, హార్దిక్ పాండ్యా ముఖ్య పాత్ర పోషిస్తారు. మరోవైపు వెనుకబడి ఉన్న దక్షిణాఫ్రికా జట్టు సిరీస్లో నిలవాలంటే ఈ మ్యాచ్లో గెలవాల్సిందే. క్వింటన్ డికాక్, డేవిడ్ మిల్లర్ వంటి సీనియర్లు భారీ ఇన్నింగ్స్లు ఆడితేనే వారికి అవకాశముంటుంది. లక్నో ఏకనా స్టేడియం పిచ్ పేసర్లు, స్పిన్నర్లకు అనుకూలంగా ఉండగా, రెండో ఇన్నింగ్స్లో డ్యూ ప్రభావం ఉండొచ్చు. టాస్ గెలిచిన జట్టు ముందుగా ఫీల్డింగ్ ఎంచుకునే అవకాశం ఉంది. మ్యాచ్ను జియో హాట్స్టార్లో లైవ్ స్ట్రీమింగ్గా, స్టార్ స్పోర్ట్స్లో లైవ్ టెలికాస్ట్గా చూడవచ్చు.
“News5am is a digital news platform that delivers crisp and reliable updates. It provides timely coverage of current affairs, sports, entertainment, business, and technology”.
Internal Links:
రెండో టెస్టు తొలి రోజు సెన్సేషన్- కుల్దీప్ యాదవ్ త్రివికెట్లతో సఫారీలను నిలువరించాడు!
External Links:
నేడే నాల్గవ టీ20.. టీమిండియా సిరీస్ గెలుస్తుందా..?