Narayan Jagadeesan is likely to replace Rishabh Pant: ఇంగ్లాండ్‌తో సిరీస్‌లో టీమిండియాకు గట్టి ఎదురుదెబ్బ తగిలింది. రిషబ్ పంత్ గాయంతో నాలుగో టెస్టులో కీపింగ్ చేయలేడు. మొదటి రోజు 37 పరుగుల వద్ద రిటైర్డ్ హర్ట్‌గా వెనుదిరిగిన పంత్, రెండో రోజు తిరిగి బ్యాటింగ్‌కు వచ్చి 54 పరుగుల వద్ద అవుట్ అయ్యాడు. మూన్ బూట్ వేసుకుని క్రీజులో నిలబడటం కష్టంగా అనిపించినా జట్టు కోసం పంత్ ధైర్యంగా ఆడడం ప్రతి ఒక్కరి ప్రశంసలు అందుకుంది. అయితే అతడి పాదంలో చీలిక వచ్చింది అనే వార్తల నేపథ్యంలో ఐదవ టెస్టులో కూడా అతడు దూరమేనని అంచనా. వైద్యుల సూచనల ప్రకారం కనీసం ఆరు వారాల విశ్రాంతి అవసరమట. దీంతో బీసీసీఐ ఐదవ టెస్టు కోసం నారాయణ్ జగదీశన్‌ను ఎంపిక చేసే ఆలోచనలో ఉంది. ఫస్ట్‌క్లాస్ క్రికెట్‌లో జగదీశన్ మంచి ఫారంలో ఉండగా, ఇషాన్ కిషన్ గాయంతో అందుబాటులో లేనందున అతడికి అవకాశం దక్కేలా కనిపిస్తోంది.
మరోవైపు నాలుగో టెస్టులో రెండో రోజు ఆట ముగిసేసరికి ఇంగ్లాండ్ తొలి ఇన్నింగ్స్‌లో 2 వికెట్లు కోల్పోయి 225 పరుగులు చేసింది. ఓపెనర్లు బెన్ డకెట్ (94) మరియు జాక్ క్రాలీ (84) బలంగా ఆడారు. క్రీజులో రూట్, పోప్ ఉన్నారు. అంతకుముందు భారత్ ఓవర్‌నైట్ స్కోరు 264/4తో మొదటి ఇన్నింగ్స్‌ను కొనసాగించి 358 పరుగులకు ఆలౌటైంది. మూడో రోజు భారత బౌలర్లు విజృంభించగలిగితే మ్యాచ్ ఫలితం భారత్ చేతిలోనే ఉండే అవకాశం ఉంది. ముఖ్యంగా జస్ప్రీత్ బుమ్రా ప్రదర్శన కీలకంగా మారనుంది.
Internal Links:
చైనా ఓపెన్‌ సూపర్–1000 టోర్నీలో సింధు..
External Links:
పంత్ స్థానంలో తమిళనాడు కీపర్‌కు పిలుపు.. ఇషాన్ కిషన్‌ను ఏమైంది?!