Wasim Jaffer Applies For Bcci

Wasim Jaffer Applies For Bcci: టీమిండియా మాజీ ఓపెనర్ వసీం జాఫర్ భారత పురుషుల క్రికెట్ జట్టు సీనియర్ సెలెక్టర్ పదవికి దరఖాస్తు చేసుకున్నారు. అజిత్ అగార్కర్ కాంట్రాక్ట్‌ను పునరుద్ధరించకూడదని బీసీసీఐ నిర్ణయించడంతో ఈ పదవి ఖాళీ అయింది. 48 ఏళ్ల జాఫర్ భారత్ తరఫున 31 టెస్టులు ఆడి 1,944 పరుగులు, ఐదు సెంచరీలు సాధించారు. వెస్టిండీస్, పాకిస్థాన్‌పై డబుల్ సెంచరీలు కూడా చేశారు. దేశవాళీ క్రికెట్‌లో ఆయనకు మంచి రికార్డు ఉంది. రంజీ ట్రోఫీ చరిత్రలో అత్యధిక పరుగులు, సెంచరీలు చేసిన ఆటగాడిగా గుర్తింపు పొందారు. ఫస్ట్‌క్లాస్ క్రికెట్‌లో 260 మ్యాచ్‌లు ఆడి 19,410 పరుగులు, 57 సెంచరీలు సాధించారు.

జాఫర్ 1996-97 సీజన్‌లో ముంబై తరఫున సీనియర్ క్రికెట్‌లోకి అడుగుపెట్టి, ఆ తర్వాత విదర్భకు ప్రాతినిధ్యం వహించారు. దేశవాళీ క్రికెట్‌లో ఆయనకు ఉన్న అనుభవం సెలెక్టర్ పదవికి ఉపయోగపడే అవకాశం ఉంది. క్రికెట్ అడ్వైజరీ కమిటీ సభ్యులు అశోక్ మల్హోత్రా, జతిన్ పరాంజపే ఆయనను ఎంపిక చేస్తే చీఫ్ సెలెక్టర్‌గా బాధ్యతలు చేపట్టవచ్చు. ప్రస్తుత అభ్యర్థుల్లో జాఫర్ 31 టెస్టులతో ముందుండగా, ప్రజ్ఞాన్ ఓజా 24 టెస్టులు ఆడారు. ప్రస్తుతం సెలక్షన్ కమిటీలో ప్రజ్ఞాన్ ఓజాతో పాటు ఆర్పీ సింగ్, అజయ్ రాత్రా, శివసుందర్ దాస్ సభ్యులుగా ఉన్నారు.

“News5am is a digital news platform that delivers crisp and reliable updates. It provides timely coverage of current affairs, sports, entertainment, business, and technology”.