Sam Altman: OpenAI సంస్థ త్వరలో కొత్త మోడల్ అయిన ChatGPT-5ను విడుదల చేయబోతోందని CEO సామ్ అల్ట్‌మన్ తెలిపారు. ఇది తాను ఇప్పటికే ఉపయోగిస్తున్నట్టు చెప్పారు. ఈ మోడల్ గత మోడల్స్ కంటే మెరుగైన ఫీచర్లతో రానుంది. సహజ భాషను అర్థం చేసుకునే సామర్థ్యం గణనీయంగా పెరిగి, స్పష్టంగా, సహజంగా సమాధానం ఇవ్వగలదు. ఈ మోడల్ టెక్స్ట్‌తో పాటు ఫోటోలు, వీడియోలు, ఆడియోలు కూడా విశ్లేషించగలదు. ఉదాహరణకి, ఒక వీడియోను చూస్తే దానిలో ఏమి జరుగుతోందో వివరణగా చెప్పగలదు.
ఇంకా, ChatGPT-5 ఎక్కువ సంభాషణలను గుర్తుంచుకోగలగడం, క్లిష్టమైన విషయాలను అర్థం చేసుకొని తార్కికంగా పరిష్కారాలు సూచించడం ప్రత్యేకతలు. గణితం, సైన్స్ వంటి రంగాల్లో సహాయం చేయడంలో ఇది మరింత మెరుగ్గా పనిచేస్తుంది. తప్పు సమాచారం ఇవ్వడం (hallucinations) తగ్గించేలా ప్రత్యేక శ్రద్ధ తీసుకున్నారు. చిన్న ఇన్‌పుట్‌తోనే బహుళ పనులను ఇది సులభంగా పూర్తి చేయగలదు. ఇప్పటివరకు OpenAI నుంచి GPT-3.5, GPT-4, GPT-4o, O సిరీస్ మోడల్స్ విడుదల కాగా, ChatGPT-5తో ఇది మరింత శక్తివంతమైన టెక్నాలజీగా మారనుందని నిపుణులు భావిస్తున్నారు. అయితే దీని నిజమైన సామర్థ్యం అధికారిక విడుదల తర్వాతనే పూర్తిగా తెలుస్తుంది.
Internal Links:
5 ఏళ్లలో AI 80 శాతం ఉద్యోగాలను రీప్లేస్ చేస్తుందన్న ఇన్వెస్టర్..
ఆపిల్ కొత్త చీఫ్ ఆపరేటింగ్ ఆఫీసర్‌గా భారత సంతతికి చెందిన సబీహ్ ఖాన్ నియమితులయ్యారు.
External Links:
Chat GPT-5 త్వరలో లాంచ్!.. సామ్ ఆల్ట్మన్ చేతుల్లో కొత్త మోడల్