Orange Alert for Telangana Today: బంగాళాఖాతంలో ఏర్పడిన అల్పపీడన ప్రభావంతో ఆంధ్రప్రదేశ్, తెలంగాణ రాష్ట్రాల్లో భారీ వర్షాలు కురుస్తున్నాయి. గత వారం రోజులుగా కుండపోత వానలు పడుతున్నాయి. వాగులు, వంకలు పొంగి పొర్లిపోతుండగా, పలు జిల్లాల్లో లోతట్టు ప్రాంతాలు నీటమునిగాయి. నిరంతర వర్షాల వల్ల ప్రజలు తీవ్ర ఇబ్బందులు ఎదుర్కొంటున్నారు. ఈ రోజు కూడా తెలంగాణలోని అనేక ప్రాంతాల్లో భారీ నుంచి అతిభారీ వర్షాలు కురిసే అవకాశముందని వాతావరణ శాఖ హెచ్చరించింది. అందుకే భారత వాతావరణ విభాగం తెలంగాణ రాష్ట్రానికి ఆరెంజ్ అలర్ట్ను జారీ చేసింది.
రాష్ట్ర వ్యాప్తంగా పలు ప్రాంతాల్లో ఉరుములు, మెరుపులతో కూడిన వర్షపాతం కొనసాగే అవకాశం ఉందని ఐఎండీ వెల్లడించింది. ఇప్పటికే హైదరాబాద్తో పాటు అనేక జిల్లాల్లో వర్షాలు ప్రారంభమయ్యాయి. ముఖ్యంగా కరీంనగర్, జగిత్యాల, జయశంకర్ భూపాలపల్లి, పెద్దపల్లి, మంచిర్యాల, ములుగు, మహబూబాబాద్, నిర్మల్, నిజామాబాద్ జిల్లాల్లో ఈరోజు అతి భారీ వర్షాలు కురిసే అవకాశం ఉందని తెలిపింది. ఈ తొమ్మిది జిల్లాలకు ఆరెంజ్ అలర్ట్ జారీ చేయగా, రాబోయే ఆదివారం ఈ జిల్లాలతో పాటు మరికొన్ని జిల్లాల్లో కూడా అతిభారీ వర్షాలు కురిసే అవకాశముందని హెచ్చరించింది.
Internal Links:
రాబోయే 72 గంటల్లో తెలంగాణలో భారీ వర్షాలు
External Links:
నేడు భారీ నుంచి అతిభారీ వర్షాలు.. తెలంగాణకు ఆరెంజ్ అలర్ట్ జారీ!