Srisailam Reservoir: శ్రీశైలం జలాశయానికి ప్రతిష్ఠాత్మక వరల్డ్ బుక్ ఆఫ్ రికార్డ్స్‌లో చోటు లభించింది. దీంతో ఈ గుర్తింపు పొందిన దేశంలోని తొలి ప్రాజెక్టుగా శ్రీశైలం జలాశయం నిలిచింది. ఈ సందర్భంగా సంస్థ సౌత్ రీజినల్ జాయింట్ సెక్రటరీ ఇలియాజర్.. శ్రీశైలం ఎమ్మెల్యేకు, ఇరిగేషన్ అధికారులకు సర్టిఫికెట్లను అందజేశారు. దక్షిణాసియాలో ప్రత్యేకంగా నిలిచేలా జలాశయంలో 60 అడుగుల వెడల్పు, 55 అడుగుల ఎత్తు కలిగిన గేట్లు ఉండటం ఈ గుర్తింపునకు ప్రధాన కారణంగా నిలిచింది.
2009లో వచ్చిన భారీ వరదల సమయంలో శ్రీశైలం జలాశయం రికార్డు స్థాయిలో 25.4 లక్షల క్యూసెక్కుల వరద ప్రవాహాన్ని తట్టుకుని తన నిర్మాణ పటిష్టతను చాటుకుంది. జలాశయం సాంకేతిక సామర్థ్యం, వరదలను తట్టుకునే శక్తికి ఈ గుర్తింపు నిదర్శనంగా నిలిచింది. ఈ సందర్భంగా శ్రీశైలం ఎమ్మెల్యే డ్యామ్ నిర్మాణంలో కీలక పాత్ర పోషించిన ఇంజనీర్లను ప్రశంసించారు. అలాగే, అంతర్జాతీయ గుర్తింపు లభించేందుకు కృషి చేసిన ఇరిగేషన్ అధికారులను అభినందించారు. ఈ ఘనత శ్రీశైలం జలాశయానికి మరింత ప్రత్యేకతను తీసుకొచ్చిందని పేర్కొన్నారు.
“News5am is a digital news platform that delivers crisp and reliable updates. It provides timely coverage of current affairs, sports, entertainment, business, and technology”.
Internal Links:
అమెరికా మళ్లీ యుద్ధం మొదలుపెట్టింది…
ప్రధాని మోదీకి ఇథియోపియా అత్యున్నత పురస్కారం..
External Links:
వరల్డ్ బుక్ ఆఫ్ రికార్డ్స్‌లో శ్రీశైలం జలాశయం.. దేశంలోనే తొలి ప్రాజెక్టుగా గుర్తింపు