Three Days Holidays: తెలంగాణ రాష్ట్రంలోని విద్యార్థులకు వరుసగా మూడు రోజుల సెలవులు దక్కాయి. శనివారం బీసీ వర్గాల హక్కుల సాధన కోసం, 42 శాతం రిజర్వేషన్ల చట్టబద్ధత కోరుతూ బీసీ సంఘాలు రాష్ట్ర బంద్‌కు పిలుపునిచ్చాయి. దీంతో అన్ని విద్యాసంస్థలు సెలవు ప్రకటించాయి. ఆ తర్వాతి రోజు అక్టోబర్ 19 ఆదివారం కావడంతో వారాంతపు సెలవు కాగా, అక్టోబర్ 20 దీపావళి పండుగ సెలవు. ఈ క్రమంలో వరుసగా మూడు రోజుల సెలవులు రావడంతో విద్యార్థులు ఆనందంగా ఉన్నారు. రాష్ట్రంలోని అన్ని ప్రభుత్వ, ప్రైవేట్ పాఠశాలలు, కళాశాలలు మూతపడ్డాయి. పండుగ సీజన్‌లో వరుసగా సెలవులు రావడంతో విద్యార్థుల్లో ఉత్సాహం నెలకొంది.
ఇక మరోవైపు, రిజర్వేషన్ల సాధన కోసం తెలంగాణలో బీసీ సంఘాల ఉద్యమం వేగంగా సాగుతోంది. బీసీ సంఘాల జేఏసీ పిలుపుతో రాష్ట్ర బంద్ జరుగుతోంది. బంద్‌కు అన్ని రాజకీయ పక్షాలు, బీసీ సంఘాలు మద్దతు తెలుపుతున్నాయి. స్థానిక సంస్థల్లో బీసీలకు 42 శాతం రిజర్వేషన్లు అమలు చేయాలని, ఆ అంశాన్ని 9వ షెడ్యూల్లో చేర్చి చట్ట సవరణ చేయాలని వారు డిమాండ్ చేస్తున్నారు. ‘బంద్ ఫర్ జస్టిస్’ పేరుతో బీసీ సంఘాలు నిర్వహిస్తున్న ఈ బంద్ కారణంగా రాష్ట్రవ్యాప్తంగా ఆర్టీసీ బస్సులు డిపోలకే పరిమితమయ్యాయి. ప్రజలంతా సహకరించి బంద్‌ను విజయవంతం చేయాలని బీసీ సంఘాల ఐక్య కార్యాచరణ కమిటీ పిలుపునిచ్చింది.
“News5am is a digital news platform that delivers crisp and reliable updates. It provides timely coverage of current affairs, sports, entertainment, business, and technology”.
Internal Links:
SSC GD 2025 ఫలితాలు ssc.gov.in లో విడుదల అయ్యాయి.
External Links:
విద్యార్థులకు అలర్ట్.. వరుసగా మూడు రోజులు సెలవులు..!