Lawyer Rakesh Kishore: సీజేఐ గవాయ్‌పై షూ విసరబోయిన ఘటనపై అడ్వకేట్ రాకేశ్ కిషోర్ ఎలాంటి పశ్చాత్తాపం లేనని తెలిపారు. ఆయన మాట్లాడుతూ, సుప్రీంకోర్టులో సనాతన ధర్మం అంశంపై దాఖలైన పిటిషన్‌పై సీజేఐ చేసిన వ్యాఖ్యలు తనను బాధించాయని చెప్పారు. పిటిషనర్‌పై వెటకారం చేయడం సరైందికాదని ఆయన అభిప్రాయపడ్డారు. తాను మద్యం సేవించి ఆ పని చేయలేదని, అది తన ప్రతిస్పందన మాత్రమేనని వివరించారు. అలాగే సీజేఐపై తాను భయపడలేదని, జరిగిన దానికి చింతించలేదని చెప్పారు.
డాక్టర్ రాకేశ్ కిషోర్ మాట్లాడుతూ, సీజేఐ దళితుడన్న భావన తప్పు అని, ఆయన బౌద్ధ మతాన్ని స్వీకరించారని చెప్పారు. హిందూ మతాన్ని వదిలి బౌద్ధ మతాన్ని స్వీకరించిన వ్యక్తి దళితుడిగా ఎలా పరిగణించవచ్చని ప్రశ్నించారు. తాను క్షమాపణలు కోరబోనని, జడ్జీలు సున్నితమైన అంశాల్లో జాగ్రత్తగా వ్యవహరించాల్సిన అవసరం ఉందని అన్నారు. ఖజురహో ఆలయంలో విష్ణువు విగ్రహ పునఃప్రతిష్టపై వచ్చిన పిటిషన్‌పై సీజేఐ వ్యాఖ్యలకు వ్యతిరేకంగా తాను ఆ చర్యకు దిగానని వివరించారు. ఆ ఘటన తర్వాత పోలీసులు ఆయనను అరెస్ట్ చేశారు. రాకేశ్ కిషోర్ (71) మయూర్ విహార్‌లో నివసిస్తూ, సుప్రీంకోర్టు బార్ అసోసియేషన్‌లో సభ్యుడిగా ఉన్నారు.
“News5am is a digital news platform that delivers crisp and reliable updates. It provides timely coverage of current affairs, sports, entertainment, business, and technology”.
Internal Links:
సర్ క్రీక్ వద్ద తోక జాడిస్తే తాట తీస్తాం…
External Links:
క్షమాపణలు కోర‌ను.. బాధ‌ప‌డ‌ను: లాయ‌ర్ రాకేశ్ కిషోర్