Petrol Pump UPI Payments

Petrol Pump UPI Payments: మొబైల్‌లో UPI ఉండటంతో డబ్బులు, కార్డులు లేకపోయినా సులభంగా చెల్లింపులు చేస్తున్నారు. అయితే అక్టోబర్ 15 నుంచి రూ.2,000కు మించిన కొన్ని UPI వ్యాపార లావాదేవీలపై మర్చంట్ డిస్కౌంట్ రేట్ (MDR) అమల్లోకి రానుంది. సాధారణ పెద్ద వ్యాపార చెల్లింపులకు 0.4 శాతం MDR ఉండగా, పెట్రోల్, రైల్వే, టెలికాం, ఇన్సూరెన్స్ వంటి విభాగాల్లో రూ.2,000కు మించిన ప్రతి లావాదేవీపై రూ.5 ఫ్లాట్ ఛార్జీ ఉంటుంది. రూ.2,000 వరకు ఇంధన చెల్లింపులకు MDR ఉండదు. అయితే పెట్రోల్ పంప్ డీలర్లు ఈ ఛార్జీని భరించడం కష్టమని చెబుతూ, ఇంధన విక్రయాలను MDR నుంచి పూర్తిగా మినహాయించాలని కోరుతున్నారు.

ప్రభుత్వం తమ డిమాండ్‌ను అంగీకరించకపోతే రూ.2,000కు మించిన పెట్రోల్, డీజిల్ కొనుగోళ్లకు UPI చెల్లింపులు స్వీకరించబోమని మధ్యప్రదేశ్ సహా పలు ప్రాంతాల డీలర్లు హెచ్చరించారు. మధ్యప్రదేశ్‌లో ఈ నిర్ణయాన్ని అక్టోబర్ 16 నుంచి అమలు చేయనున్నట్లు తెలిపారు. ఈ అంశంపై CAIT కూడా ఆందోళన వ్యక్తం చేసింది. పెద్ద మొత్తంలో ఇంధనం కొనుగోలు చేసే వారికి UPI సౌకర్యం పరిమితం కావచ్చని అభిప్రాయాలు వ్యక్తమవుతున్నాయి. అయితే MDR అనేది వినియోగదారుడిపై నేరుగా విధించే ఛార్జీ కాదని, వ్యాపారి చెల్లించాల్సిన రుసుమని ప్రభుత్వం స్పష్టం చేసింది.

“News5am is a digital news platform that delivers crisp and reliable updates. It provides timely coverage of current affairs, sports, entertainment, business, and technology”.