YSR 76th Birth Anniversary: డాక్టర్ వైఎస్ రాజశేఖర్ రెడ్డి 76వ జయంతిని (జూలై 8) పురస్కరించుకొని ఆస్ట్రేలియా మెల్‌బోర్న్ నగరంలో వైఎస్సార్ కాంగ్రెస్ పార్టీ ఆధ్వర్యంలో YSR 76th Birth Anniversary నిర్వహించబడింది. ఈ కార్యక్రమంలో విక్టోరియా వైఎస్ఆర్‌సీపీ కన్వీనర్ మర్రి కృష్ణ దత్తారెడ్డి, కో-కన్వీనర్ భరత్, సభ్యులు సురేష్ రెడ్డి, శ్రీకాంత్ రెడ్డి, బ్రహ్మ రెడ్డి, రామంజీ, నాగార్జున పాల్గొన్నారు. కార్యక్రమంలో వీడియో కాన్ఫరెన్స్ ద్వారా వైఎస్సార్ కాంగ్రెస్ పార్టీ రాష్ట్ర ప్రధాన కార్యదర్శి మరియు ఎన్ఆర్ఐ గ్లోబల్ కోఆర్డినేటర్ ఆలూరు సాంబశివ రెడ్డి, ఎమ్మెల్సీ డీసీ గోవిందరెడ్డి, నాయకులు కాసు మహేష్ రెడ్డి, బైరెడ్డి సిద్ధార్థ్ రెడ్డి హాజరయ్యారు. వారు వైఎస్సార్ జీవితాన్ని, ఆయన చేసిన సేవలను గుర్తుచేసుకున్నారు. ముఖ్యంగా ఆయన వ్యవసాయం, వైద్య, విద్య రంగాల్లో చేసిన సంస్కరణలు, ప్రజల సంక్షేమానికి తీసుకున్న చర్యలు గురించి మాట్లాడారు.
వైఎస్ జగన్ తన తండ్రిని మించిన పాలన అందిస్తున్నారని, రాష్ట్ర అభివృద్ధిలో రాజీ పడకుండా ముందుకు తీసుకెళ్తున్నారని వారు పేర్కొన్నారు. ప్రజాసేవలో ఎప్పుడూ ముందుంటామన్న నమ్మకంతో, పార్టీకి మద్దతు ఇచ్చే కుటుంబాలకు అండగా ఉంటామని హామీ ఇచ్చారు. ఎక్కడైనా ప్రజలకు అన్యాయం జరిగినప్పుడు వెంటనే స్పందిస్తూ అండగా ఉంటామని తెలిపారు. వైఎస్సార్‌సీపీ అభ్యర్థుల గెలుపు కోసం కృషిచేసిన కార్యకర్తల త్యాగాలను మరిచిపోలేమన్నారు. ప్రజాసేవే లక్ష్యంగా పని చేస్తూనే, కార్యకర్తలు ధైర్యంగా ముందుకు సాగాలని పిలుపునిచ్చారు. పార్టీ పట్ల నమ్మకం కలిగి ప్రజల్లో కలిసిపోయేలా సేవ చేస్తామని స్పష్టం చేశారు.
Internal Links:
హుజురాబాద్‌MLA పాడి కౌశిక్‌ రెడ్డి అరెస్ట్‌..
వైఎస్ జగన్ వ్యాఖ్యలపై స్పందించిన పవన్ కళ్యాణ్..
External Links:
మెల్‌బోర్న్‌లో వైఎస్సార్ 76వ జయంతి వేడుకలు