కరీంనగర్ : కరీంనగర్ పార్లమెంట్ స్థానానికి పోలింగ్ ముగిసి జూన్ 4న ఫలితాలు వెలువడనుండటంతో పక్షం రోజులుగా ప్రచారం నిర్వహించి తమ సత్తా చాటిన మూడు ప్రధాన రాజకీయ పార్టీల అభ్యర్థులు గెలుపు ఖాయమంటున్నారు. అభ్యర్థులు తమ కార్యకర్తలు పోలింగ్ సరళిని అంచనా వేస్తూ సేకరించిన సమాచారాన్ని క్రోడీకరించుకుంటున్నారు. బీజేపీ నుంచి సిట్టింగ్ ఎంపీ బండి సంజయ్ కుమార్ రెండోసారి పోటీ చేయగా, బీఆర్ఎస్ నుంచి మాజీ ఎంపీ బోయినపల్లి వినోద్ కుమార్ వరుసగా నాలుగోసారి పోటీ చేశారు. కాంగ్రెస్ అభ్యర్థి వెలిచాల రాజేందర్ రావు బరిలో నిలిచారు. ప్రచారం, సోషల్ మీడియాలో జరుగుతున్న ఎగ్జిట్ పోల్స్ ఫలితాలు అభ్యర్థులకు ఊరటనిస్తున్నాయి.డివిజన్లు, గ్రామాల వారీగా ఓట్లను లెక్కించిన అభ్యర్థులు తమకు ఏ మేరకు ఓట్లు పడ్డాయి.ప్రత్యర్థులతో పోల్చిచూసేందుకు అనుచరుల నుంచి సమాచారం సేకరించి అసెంబ్లీ స్థాయి నాయకులు, మండల స్థాయి నేతలతో చర్చలు జరుపుతున్నారు. ఇంటెలిజెన్స్ అధికారుల నుంచి కూడా పార్టీ నేతలు సమాచారం సేకరిస్తున్నారు. 2019 ఎన్నికల కూర్పుపై కూడా లెక్కలు వేస్తున్నారు. లోక్‌సభలో మోదీ చేపట్టిన అభివృద్ధి తమకు తోడ్పడుతుందని బీజేపీ విశ్వసిస్తుండగా, సంక్షేమ పథకాలు, భవిష్యత్తు హామీలు తమ గెలుపునకు దోహదపడతాయని కాంగ్రెస్ పార్టీ భావిస్తోంది. ఈ రెండు పార్టీలపై ప్రభుత్వ వ్యతిరేకత, తమ హయాంలో జరిగిన అభివృద్ధిని దృష్టిలో ఉంచుకుని ఈసారి విజయం సాధిస్తామని బీఆర్ఎస్ నేతలు చెబుతున్నారు.ఈసారి కరీంనగర్ లోక్ సభకు సంబంధించి మూడు పార్టీల ప్రధాన నేతలు అభ్యర్థుల కోసం తరలిరావడంతో ప్రచారం హోరాహోరీగా సాగింది. బీజేపీకి మద్దతుగా ప్రధాని నరేంద్ర మోదీ సహా పలువురు నేతలు, కాంగ్రెస్‌కు మద్దతుగా సీఎం రేవంత్‌రెడ్డి జమ్మికుంట సిరిసిల్లలో రెండుసార్లు, బీఆర్‌ఎస్‌కు మద్దతుగా మాజీ సీఎం కేసీఆర్ మూడుసార్లు నియోజకవర్గంలో పర్యటించారు.ఖర్చులో ఏమాత్రం రాజీ లేకుండా మూడు పార్టీల అభ్యర్థులు ప్రచారం కొనసాగించడంతో గెలుపుపై తమ అంచనాలను లెక్కలతో వివరించడం మొదలుపెట్టారు. కాగా, కరీంనగర్ పార్లమెంట్ పరిధిలోని ఏడు నియోజకవర్గాల్లో కాంగ్రెస్ ఎమ్మెల్యేలు నాలుగు నియోజకవర్గాల్లో, టీఆర్ ఎస్ మూడు నియోజకవర్గాల్లో ఎమ్మెల్యేలుగా ఉన్నారు. అసెంబ్లీ ఎన్నికల ఫలితాలను అంచనా వేయగలిగిన విశ్లేషకులు ఈసారి కాస్త అయోమయంలో పడ్డారు. ప్రశాంతంగా సాగిన పోలింగ్ అభ్యర్థుల్లో అయోమయం పెంచుతోంది. ఎమ్మెల్యేల ప్రాతినిథ్యం ఉన్నా రూ.12 వేల కోట్లతో చేసిన అభివృద్ధి, రామమందిర నిర్మాణం, ఇంటింటికి అక్షింతలు వేసినా బీజేపీకి అనుకూలమని ఆ పార్టీ నేతలు చెబుతున్నారు. ముఖ్యంగా కరీంనగర్ పార్లమెంట్ నియోజక వర్గంలో పురుషుల కంటే మహిళలే ఎక్కువగా ఉండడంతో ఓట్లు ఎవరికి పడతాయోనని అంచనాలు వేస్తున్నారు.
