హైదరాబాద్: లోక్‌సభ ఎన్నికల తర్వాత తెలంగాణలో బీఆర్ఎస్ కనుమరుగవుతుందని తెలంగాణ బీజేపీ అధ్యక్షుడు, కేంద్ర మంత్రి కిషన్ రెడ్డి అన్నారు. బుధవారం విజయ సంకల్ప యాత్రలో భాగంగా నారాయణపేట, ధన్వాడ, తదితర ప్రాంతాల్లో ఆయన మాట్లాడుతూ కాంగ్రెస్, బీఆర్‌ఎస్‌లు ప్రజలను మోసం చేశాయని, ఎన్నికల్లో బీఆర్ఎస్, కాంగ్రెస్‌లకు ఓటు వేస్తే తమ విలువైన ఓటును మూసీలో వేయడమేనని హెచ్చరించారు.ఎన్నికల్లో బీజేపీ, బీఆర్ఎస్ పొత్తు ఎప్పటికీ ఉండదని కిషన్‌రెడ్డి పునరుద్ఘాటించారు. వచ్చే ఎన్నికల్లో కాంగ్రెస్ 40 సీట్లకు మించి గెలవదని, తెలంగాణలోని మొత్తం 17 లోక్‌సభ స్థానాలను బీజేపీ గెలుచుకుంటుందని అన్నారు.
బీఆర్‌ఎస్‌కు ఒక్క సీటు కూడా రాదు. ఇటీవల జరిగిన అసెంబ్లీ ఎన్నికల్లో బీఆర్ఎస్, కేసీఆర్ కుటుంబ పాలనపై ప్రజలు ఆగ్రహం వ్యక్తం చేశారు. కాంగ్రెస్ అధినేత రాహుల్‌ గాంధీ, బీఆర్ఎస్ అధినేత కేసీఆర్, ఏఐఎంఐఎం అధినేత అసదుద్దీన్‌ ఒవైసీలు వరుసగా మూడోసారి ప్రధానిగా నరేంద్ర మోదీని ఆపలేరు’ అని కిషన్ అన్నారు.