Govt Jobs Age Limit Relaxation

Govt Jobs Age Limit Relaxation: తెలంగాణలో నిరుద్యోగ యువత గత కొన్నేళ్లుగా ఉద్యోగ అవకాశాల కోసం తీవ్రంగా ఎదురుచూస్తోంది. ఉద్యోగ నోటిఫికేషన్లు ఆలస్యంగా రావడం, రిక్రూట్‌మెంట్ ప్రక్రియలు నిలిచిపోవడం వల్ల చాలా మంది అభ్యర్థులు వయోపరిమితి దాటిపోయే పరిస్థితి ఏర్పడింది. దీంతో తమకు మరో అవకాశం ఇవ్వాలని నిరుద్యోగులు ప్రభుత్వాన్ని కోరుతున్నారు. ఈ సమస్యను గుర్తించిన ప్రభుత్వం, రాబోయే ఉద్యోగ నోటిఫికేషన్లలో వయోపరిమితి పెంపుపై చర్చలు జరుపుతోంది. ఎమ్మెల్సీలు కోదండరామ్, అద్దంకి దయాకర్ తదితరులు సీఎం రేవంత్ రెడ్డి, డిప్యూటీ సీఎం భట్టి విక్రమార్కను కలిసి అభ్యర్థుల సమస్యలను వివరించారు.

గతంలో ఇచ్చిన 10 ఏళ్ల వయో సడలింపు గడువు ఈ ఏడాది ఫిబ్రవరిలో ముగియడంతో అభ్యర్థుల్లో ఆందోళన పెరిగింది. ప్రస్తుతం జనరల్ కేటగిరీకి 5 ఏళ్లు, ఎస్సీ, ఎస్టీ, బీసీ, ఈడబ్ల్యూఎస్ అభ్యర్థులకు 10 ఏళ్ల వరకు సడలింపు ఇవ్వాలని ప్రభుత్వం పరిశీలిస్తున్నట్లు సమాచారం. అయితే అందరికీ సమానంగా 10 ఏళ్ల సడలింపు ఇవ్వాలని నిరుద్యోగ సంఘాలు డిమాండ్ చేస్తున్నాయి. దీనిపై ప్రభుత్వం త్వరలో అధికారిక ప్రకటన చేసే అవకాశం ఉంది. ఈ నిర్ణయం అమలైతే లక్షలాది మంది యువతకు ప్రభుత్వ ఉద్యోగాలకు మళ్లీ అవకాశం లభించే అవకాశం ఉంది.

“News5am is a digital news platform that delivers crisp and reliable updates. It provides timely coverage of current affairs, sports, entertainment, business, and technology”.