Diwali Bonus Fake Message: దీపావళి పండగ సందర్భంగా అందరికీ రూ. 8,000 బోనస్ ఇస్తున్నారంటూ వాట్సాప్‌లో ఓ మెసేజ్ వైరల్ అవుతోంది. ప్రధాని తరఫున ఈ డబ్బులు ఇస్తున్నారని, మెసేజ్‌లోని లింక్‌పై క్లిక్ చేసి వ్యక్తిగత, బ్యాంకు వివరాలు నమోదు చేస్తే డబ్బులు ఖాతాలో పడతాయని అందులో పేర్కొన్నారు. అయితే ఇది పూర్తిగా నకిలీ వార్త అని ప్రెస్ ఇన్ఫర్మేషన్ బ్యూరో (PIB) స్పష్టం చేసింది. కేంద్ర ప్రభుత్వం ఎలాంటి దీపావళి బోనస్ ప్రకటించలేదు. ఇలాంటి నకిలీ లింకుల ద్వారా సైబర్ నేరగాళ్లు ప్రజల వ్యక్తిగత, బ్యాంకు వివరాలను దొంగిలించి డబ్బులు కాజేస్తున్నారు. కాబట్టి రూ. 8,000 వస్తాయనే ఆశతో ఇలాంటి మెసేజ్‌లను నమ్మకండి.
ఇలాంటి ఆన్‌లైన్ మోసాల నుంచి తప్పించుకోవాలంటే వాట్సాప్‌లో వచ్చే అనుమానాస్పద లింకులపై క్లిక్ చేయకూడదు. ఎవరితోనూ ఓటీపీ, యూపీఐ పిన్, బ్యాంకు వివరాలను పంచుకోకూడదు. ప్రభుత్వ పథకాల గురించి తెలుసుకోవాలంటే అధికారిక వెబ్‌సైట్లను మాత్రమే సందర్శించాలి. ఒకవేళ సైబర్ మోసానికి గురైతే వెంటనే 1930 నంబర్‌కు కాల్ చేయాలి లేదా cybercrime.gov.in వెబ్‌సైట్‌లో ఫిర్యాదు చేయాలి. కాస్త అప్రమత్తంగా ఉంటే ఇలాంటి మోసాల నుంచి మన డబ్బును, వ్యక్తిగత వివరాలను కాపాడుకోవచ్చు.
“News5am is a digital news platform that delivers crisp and reliable updates. It provides timely coverage of current affairs, sports, entertainment, business, and technology”.
Internal Links:
రక్తదాన శిబిరం ప్రారంభించిన మంచు మనోజ్…
తెలంగాణ అంతటా విస్తరించిన రుతుపవనాలు…
External Links:
అలర్ట్.. మీ వాట్సాప్‌కి ప్రధాని పేరిట రూ. 8,000 దివాళి బోనస్ మెసేజ్ వచ్చిందా?.