UP Election 2027: ఉత్తర్ ప్రదేశ్ అసెంబ్లీ ఎన్నికల నేపథ్యంలో సమాజ్‌వాదీ పార్టీ (ఎస్పీ), కాంగ్రెస్ మధ్య సీట్ల పంపకంపై విభేదాలు కొనసాగుతున్నాయి. 403 స్థానాల్లో కనీసం 150 సీట్లలో పోటీ చేయాలని కాంగ్రెస్ కోరుతోంది. ఈ డిమాండ్‌పై ఎస్పీ నేతలు అసంతృప్తి వ్యక్తం చేస్తున్నారు. ఎస్పీ ఎంపీ ఎస్పీ సింగ్ పటేల్ మాట్లాడుతూ, కాంగ్రెస్‌కు 150 సీట్లు ఇవ్వడం అటుంచి 50 సీట్లు ఇవ్వడం కూడా పెద్ద విషయమేనని అన్నారు. మరోవైపు కాంగ్రెస్ యూపీ ఇన్‌చార్జ్ రాజేంద్ర పాల్ గౌతమ్ మాత్రం తమ పార్టీ 150 సీట్లకు తగ్గకుండా పోటీ చేయాలని భావిస్తోందని తెలిపారు. సీట్ల పంపకంపై అక్టోబర్‌లో స్పష్టత వచ్చే అవకాశం ఉందని చెప్పారు.
ఎస్పీ ఎంపీ ఎస్పీ సింగ్ పటేల్ రాహుల్ గాంధీపై కూడా వ్యాఖ్యలు చేశారు. రాయ్‌బరేలీలో పోటీ చేయడానికి రాహుల్ తొలుత ఆసక్తి చూపలేదని, అఖిలేష్ యాదవ్ ఒప్పించడంతో పోటీ చేశారని ఆయన పేర్కొన్నారు. రాహుల్ అక్కడి నుంచి పోటీ చేయకపోతే ఎస్పీ అభ్యర్థిని నిలబెట్టేదని అన్నారు. 2024 లోక్‌సభ ఎన్నికల్లో కాంగ్రెస్‌కు ఎస్పీతో పొత్తు ప్రయోజనం చేకూరిందని కూడా పటేల్ వ్యాఖ్యానించారు. ప్రస్తుతం ఇరు పార్టీల మధ్య సీట్ల పంపకంపై చర్చలు కొనసాగుతున్నాయి.
“News5am is a digital news platform that delivers crisp and reliable updates. It provides timely coverage of current affairs, sports, entertainment, business, and technology”.
Internal Links:
రక్తదాన శిబిరం ప్రారంభించిన మంచు మనోజ్…
తెలంగాణ అంతటా విస్తరించిన రుతుపవనాలు…
External Links:
‘‘150 కాదు.. కాంగ్రెస్‌కు 50 సీట్లే ఎక్కువ’’.. ఎస్పీ-కాంగ్రెస్ మధ్య ముదురుతున్న విభేదాలు!