Meta Layoffs 8000 Employees

Meta Layoffs 8000 Employees: సోషల్ మీడియా దిగ్గజం మెటా మరోసారి భారీ స్థాయిలో ఉద్యోగులను తొలగిస్తోంది. ప్రపంచవ్యాప్తంగా దాదాపు 8,000 మంది ఉద్యోగులను, అంటే మొత్తం ఉద్యోగుల్లో 10 శాతం మందిని లేఆఫ్స్‌లో భాగంగా తొలగిస్తున్నట్లు సమాచారం. ఈ ప్రక్రియలో భాగంగా సింగపూర్ ఉద్యోగులకు ముందుగా ఈమెయిల్స్ పంపించారు. అదే సమయంలో మెటా ఆర్టిఫిషియల్ ఇంటెలిజెన్స్ (AI) రంగంలో భారీ పెట్టుబడులు పెట్టేందుకు సిద్ధమవుతోంది. కంపెనీ మరో 7,000 మంది ఉద్యోగులను కొత్త AI బృందాలకు మార్చనుండగా, మేనేజ్‌మెంట్ వ్యవస్థను చిన్న బృందాలుగా మార్చే ప్లాన్ కూడా చేస్తోంది. ఈ లేఆఫ్స్ ప్రభావం ముఖ్యంగా ఇంజనీరింగ్, ప్రొడక్ట్ టీమ్‌లపై ఎక్కువగా ఉండనుందని తెలుస్తోంది.

మెటా సంస్థ 6,000 ఉద్యోగ ఖాళీలను కూడా రద్దు చేసింది. చిన్న బృందాలతో వేగంగా పని చేయడం వల్ల మంచి ఫలితాలు వస్తాయని కంపెనీ చెబుతోంది. అయితే ఈ నిర్ణయాలతో ఉద్యోగుల్లో ఆందోళన పెరిగింది. మరోవైపు ఉద్యోగుల మౌస్ కదలికలు, కీబోర్డ్ వినియోగాన్ని ట్రాక్ చేసే సాఫ్ట్‌వేర్‌ను మెటా ఉపయోగిస్తోందన్న వార్తలపై ఉద్యోగులు తీవ్ర అసంతృప్తి వ్యక్తం చేస్తున్నారు. గూగుల్, ఓపెన్ఏఐ వంటి సంస్థలతో పోటీగా AI రంగంలో ముందుండేందుకు మెటా ఈ ఏడాది భారీగా ఖర్చు చేయాలని చూస్తోంది. ప్రస్తుతం టెక్ రంగంలో చాలా కంపెనీలు AIపై దృష్టి పెడుతూ ఉద్యోగాల్లో కోతలు విధిస్తున్నాయి. ఇటీవల సిస్కో, మైక్రోసాఫ్ట్, అమెజాన్ వంటి కంపెనీలు కూడా లేఆఫ్స్ ప్రకటించాయి.

“News5am is a digital news platform that delivers crisp and reliable updates. It provides timely coverage of current affairs, sports, entertainment, business, and technology”.