Petrol Diesel Price Hike: వాహనదారులకు షాక్ ఇస్తూ నయారా ఎనర్జీ పెట్రోల్, డీజిల్ ధరలను పెంచింది. పెట్రోల్‌పై లీటరుకు రూ.5, డీజిల్‌పై రూ.3 పెంచగా, కొత్త ధరలు శనివారం తెల్లవారుజాము నుంచి అమల్లోకి వచ్చాయి. దేశవ్యాప్తంగా ఉన్న 7,108 నయారా పెట్రోల్ బంకుల్లో ఈ ధరలు వర్తిస్తున్నాయి. అంతర్జాతీయంగా ముడిచమురు, రిఫైన్డ్ పెట్రోలియం ధరలు పెరగడంతో ఖర్చులు పెరిగిన నేపథ్యంలో ఈ నిర్ణయం తీసుకున్నట్లు తెలుస్తోంది. ఈ ఏడాది మార్చిలోనూ నయారా పెట్రోల్‌పై రూ.5, డీజిల్‌పై రూ.3 పెంచింది. ఆ తర్వాత జూలైలో అంతర్జాతీయ క్రూడ్ ధరలు తగ్గడంతో అదే మొత్తంలో ధరలను తగ్గించింది.
తాజా పెంపుతో అంతర్జాతీయ ఇంధన ధరల ప్రభావాన్ని నయారా మరోసారి వినియోగదారులపైకి బదిలీ చేసినట్లు తెలుస్తోంది. ఇటీవల క్రూడ్, రిఫైన్డ్ పెట్రోలియం ఉత్పత్తుల ధరలు పెరగడంతో ప్రైవేట్ ఫ్యూయల్ రిటైలర్లపై ఖర్చుల భారం పెరిగింది. ఇదిలా ఉండగా, పెరిగిన వ్యయాల కారణంగా నయారా, జియో-బీపీ వంటి సంస్థలు కొన్ని ప్రాంతాల్లో ఇంధన విక్రయాలను పరిమితం చేసినట్లు వార్తలు వచ్చాయి. అయితే పెట్రోల్, డీజిల్ విక్రయాలను పరిమితం చేయడం ఆమోదయోగ్యం కాదని కేంద్ర ప్రభుత్వం అక్టోబర్ 1న స్పష్టం చేసింది.
“News5am is a digital news platform that delivers crisp and reliable updates. It provides timely coverage of current affairs, sports, entertainment, business, and technology”.
Internal Links:
అమెరికా మళ్లీ యుద్ధం మొదలుపెట్టింది…
ప్రధాని మోదీకి ఇథియోపియా అత్యున్నత పురస్కారం..
External Links:
వాహనదారులకు షాక్.. పెట్రోల్ రూ.5, డీజిల్ రూ.3 పెంపు