Big boss season 10

Big boss season 10: బిగ్ బాస్ తెలుగు సీజన్ 10 త్వరలో ప్రారంభం కానుంది. ఇప్పటికే 9 సీజన్లను విజయవంతంగా పూర్తి చేసిన ఈ షో ఆగస్టు చివరి వారంలో లేదా సెప్టెంబర్ మొదటి వారంలో ప్రారంభమయ్యే అవకాశం ఉంది. గత సీజన్‌లాగే ఈసారి కూడా సామాన్యులకు హౌస్‌లో అవకాశం కల్పిస్తున్నారు. ఇందుకోసం ‘అగ్ని పరీక్ష సీజన్ 2’ పేరుతో డిజిటల్ ఆడిషన్స్ నిర్వహిస్తున్నారు. నాగార్జున విడుదల చేసిన ప్రోమోలో “ఈసారి కసి పెరిగింది… కథ మారింది” అని చెప్పడంతో షోపై మరింత ఆసక్తి పెరిగింది. గత సీజన్‌లో సామాన్యుడిగా పాల్గొన్న కళ్యాణ్ పడాల విజేతగా నిలవడంతో ఈసారి పోటీ కూడా గట్టిగానే ఉంటుందని భావిస్తున్నారు.

ఈ సీజన్‌లో పాల్గొనేందుకు కొంతమంది ప్రముఖ సెలబ్రిటీలను మేకర్స్ సంప్రదించినట్లు ప్రచారం జరుగుతోంది. సోషల్ మీడియా కథనాల ప్రకారం నిఖిల్ విజేయేంద్ర సింహా, తేజస్వీ గౌడ, పల్లవి రాంశెట్టి, పల్లవి గౌడ, హరి, వర్ష, దీపికతో పాటు ‘కుక్ విత్ జాతి రత్నాలు’ షోకు చెందిన కొందరు హౌస్‌లోకి వచ్చే అవకాశం ఉందని చెబుతున్నారు. అయితే దీనిపై అధికారిక ప్రకటన ఇంకా రాలేదు. మరోవైపు, ఈ సీజన్‌కు హోస్ట్‌గా వ్యవహరించనున్న నాగార్జునకు రూ.40 కోట్ల పారితోషికం ఇస్తున్నట్లు వార్తలు వినిపిస్తున్నాయి. ఫ్యాన్స్ వార్స్, ట్విస్టులు, కాంట్రవర్సీలతో ఈ సీజన్ కూడా ప్రేక్షకులకు మంచి వినోదాన్ని అందించే అవకాశం ఉంది.

“News5am is a digital news platform that delivers crisp and reliable updates. It provides timely coverage of current affairs, sports, entertainment, business, and technology”.