Supreme Court: నిరసనల పేరుతో బహిరంగ ప్రదేశాలను నిరవధికంగా ఆక్రమించడానికి వీల్లేదని సుప్రీంకోర్టు స్పష్టం చేసింది. నిరసనలకు ప్రభుత్వం కేటాయించిన ప్రదేశాల్లో కూడా సమయ పరిమితి ఉండాలని పేర్కొంది. ఢిల్లీలోని జంతర్ మంతర్, రామ్‌లీలా మైదాన్‌లో జరిగిన నిరసనలకు సంబంధించి దాఖలైన పిటిషన్లపై విచారణ సందర్భంగా ప్రధాన న్యాయమూర్తి జస్టిస్ సూర్యకాంత్ ఈ వ్యాఖ్యలు చేశారు. నిరసన తెలిపే హక్కు ఉన్నప్పటికీ, ఇతరుల రాకపోకలకు ఇబ్బంది కలిగించకూడదని అన్నారు. అనుమతి ఒక్క రోజుకే ఉన్నప్పటికీ, కాక్రోచ్ జనతా పార్టీ (CJP) నిరసనకారులు 17 రోజుల పాటు అక్కడే ఉన్నారని సొలిసిటర్ జనరల్ తుషార్ మెహతా కోర్టుకు తెలిపారు.
జస్టిస్ సూర్యకాంత్, జస్టిస్ జోయ్‌మాల్య బాగ్చి, జస్టిస్ వి. మోహనాలతో కూడిన ధర్మాసనం ఈ పిటిషన్లను విచారించింది. నిరసనల వల్ల వ్యాపారాలు దెబ్బతినడం, పోలీసుల దౌర్జన్యాలు, ప్రజల నిర్బంధం, మెట్రో స్టేషన్ల మూసివేత, ఇంటర్నెట్ నిలిపివేత వంటి అంశాలు పిటిషన్లలో ప్రస్తావించారు. నిరసనల కారణంగా దుకాణాలు మూతపడ్డాయని, కన్నాట్‌ప్లేస్‌లో జన సంచారం తగ్గిపోయిందని వ్యాపారుల తరఫు న్యాయవాది ముకుల్ రోహత్గీ కోర్టుకు వివరించారు. ఈ నిరసనలు నిర్వహించిన రాజకీయ పార్టీలను కూడా కేసులో ప్రతివాదులుగా చేర్చాలని ధర్మాసనం సూచించింది.
“News5am is a digital news platform that delivers crisp and reliable updates. It provides timely coverage of current affairs, sports, entertainment, business, and technology”.
Internal Links:
రక్తదాన శిబిరం ప్రారంభించిన మంచు మనోజ్…
తెలంగాణ అంతటా విస్తరించిన రుతుపవనాలు…
External Links:
నిరసనల పేరుతో స్థలాన్ని ఆక్రమించలేరు.. సుప్రీంకోర్టు కీలక వ్యాఖ్యలు.!