Bhatti Vikramarka: ఎల్‌నినో ప్రభావంతో తెలంగాణలో విద్యుత్ డిమాండ్ 19,892 మెగావాట్లకు పెరిగిందని డిప్యూటీ సీఎం భట్టి విక్రమార్క తెలిపారు. డిమాండ్ పెరిగినా ఎలాంటి కోతలు లేకుండా విద్యుత్ సరఫరా చేస్తున్నామని చెప్పారు. కొందరు నాయకులు తప్పుడు ప్రచారం చేస్తున్నారని, ప్రజలకు వాస్తవాలు తెలియజేయడానికే మీడియా సమావేశం ఏర్పాటు చేశామని అన్నారు. మాజీ మంత్రి హరీష్‌రావును ఉద్దేశించి మాట్లాడుతూ.. యాదాద్రి పవర్ ప్లాంట్‌కు సరైన కోల్ లింకేజీ, బొగ్గు సరఫరా ప్రణాళిక లేకుండానే గత ప్రభుత్వం ప్రాజెక్టును నిర్మించిందని ఆరోపించారు. దీంతో రాష్ట్రంపై భారీ ఆర్థిక భారం పడిందని విమర్శించారు.
సింగరేణి, నైనీ బొగ్గు బ్లాకుల నుంచి బొగ్గు తీసుకురావడానికి తమ ప్రభుత్వం చర్యలు చేపట్టిందని భట్టి విక్రమార్క తెలిపారు. గతంలో పెండింగ్‌లో ఉన్న సమస్యలను పరిష్కరించి యాదాద్రి ప్లాంట్‌కు బొగ్గు సరఫరా చేస్తున్నామని చెప్పారు. యాదాద్రి ప్లాంట్‌లో యూనిట్ విద్యుత్ ధర సుమారు రూ.6.60 కాగా, కాకతీయలో రూ.4.97, కొత్తగూడలో రూ.4.62గా ఉందన్నారు. యాదాద్రి ప్లాంట్ వల్ల రాష్ట్రంపై సుమారు రూ.40 వేల కోట్ల భారం పడిందని ఆరోపించారు. భవిష్యత్తులో తక్కువ ధరకు విద్యుత్ అందించేలా తమ ప్రభుత్వం ప్రణాళికలు రూపొందిస్తోందని, థర్మల్ పవర్ ఉత్పత్తి కొనసాగుతోందని భట్టి విక్రమార్క తెలిపారు.
“News5am is a digital news platform that delivers crisp and reliable updates. It provides timely coverage of current affairs, sports, entertainment, business, and technology”.
Internal Links:
రక్తదాన శిబిరం ప్రారంభించిన మంచు మనోజ్…
తెలంగాణ అంతటా విస్తరించిన రుతుపవనాలు…
External Links:
“మీరు చేసిన తప్పులు వారానికి ఒకటి బయటపెడతా”.. హరీష్‌ రావుపై భట్టి విక్రమార్క ఫైర్..