T20 World Cup 2026: 2026 ఐసీసీ పురుషుల టీ20 ప్రపంచకప్ భారత్–శ్రీలంక వేదికలపై ఫిబ్రవరి–మార్చిలో సంయుక్తంగా జరగనుంది. షెడ్యూల్ ఇంకా అధికారికంగా ప్రకటించకపోయినా ఈ వారంలో విడుదలయ్యే అవకాశం ఉంది. ప్రపంచకప్ మ్యాచ్లు ఎనిమిది వేదికల్లో నిర్వహించడానికి ఐసీసీ ప్రణాళిక సిద్ధం చేసింది. భారతదేశంలో అహ్మదాబాద్, కోల్కతా, ముంబై, ఢిల్లీ, చెన్నై స్టేడియాలను షార్ట్లిస్ట్ చేశారు. శ్రీలంకలో కొలంబోలోని ఆర్. ప్రేమదాస, సింహళీస్ స్పోర్ట్స్ క్లబ్, కాండీ పల్లెకెలె స్టేడియాల్లో మ్యాచ్లు నిర్వహిస్తారు. శ్రీలంక లేదా పాకిస్తాన్ సెమీఫైనల్కి చేరితే సెమీస్ కొలంబోలో, చేరకపోతే భారతదేశంలోని అహ్మదాబాద్, కోల్కతా వేదికల్లో నిర్వహిస్తారు.
ఫైనల్ వేదిక కూడా జట్ల ప్రగతిపై ఆధారపడుతుంది. పాకిస్తాన్ ఫైనల్కి చేరితే టైటిల్ పోరుకు కొలంబో ఆతిథ్యం ఇస్తుంది; చేరకపోతే అహ్మదాబాద్లోని నరేంద్ర మోడీ స్టేడియంలో ఫైనల్ జరుగుతుంది. మొత్తం 20 జట్లు పాల్గొనే ఈ మెగా టోర్నీలో 4 గ్రూపులు ఉంటాయి. ప్రతి గ్రూప్ నుంచి రెండు జట్లు సూపర్–8కి చేరతాయి. అక్కడి నుంచి సెమీఫైనల్స్, అనంతరం ఫైనల్ జరుగుతుంది. టెస్ట్ ఆడే 13 జట్లతో పాటు కెనడా, నెదర్లాండ్స్, యూఏఈ, నేపాల్, ఒమన్, నమీబియా మరియు తొలిసారి ప్రపంచకప్కి అర్హత సాధించిన ఇటలీ పాల్గొంటాయి.
“News5am is a digital news platform that delivers crisp and reliable updates. It provides timely coverage of current affairs, sports, entertainment, business, and technology”.
Internal Links:
SSC GD 2025 ఫలితాలు ssc.gov.in లో విడుదల అయ్యాయి.
External Links:
ప్రపంచకప్ కోసం 8 వేదికలు షార్ట్లిస్ట్.. టీమ్స్, ఫార్మాట్ డీటెయిల్స్ ఇవే!