Sensex gains 889

Sensex gains 889: దేశీయ స్టాక్ మార్కెట్ బుధవారం భారీ లాభాలతో ముగిసింది. ఆసియా మార్కెట్లలో మిశ్రమ సంకేతాలు ఉన్నప్పటికీ, విదేశీ ఇన్వెస్టర్ల కొనుగోళ్లు, ఐటీ మరియు బ్లూ-చిప్ షేర్ల ర్యాలీతో సెన్సెక్స్ 889 పాయింట్లు పెరిగి 77,654.60 వద్ద, నిఫ్టీ 264.85 పాయింట్లు ఎగిసి 24,250.20 వద్ద ముగిసింది. రూపాయి విలువ కూడా డాలర్‌తో పోలిస్తే 16 పైసలు బలపడి 95.66 వద్ద స్థిరపడింది. అమెరికా ఫెడ్ వడ్డీ రేట్ల నిర్ణయానికి ముందు ఇన్ఫోసిస్, టీసీఎస్, ఎల్‌అండ్‌టీల మెరుగైన త్రైమాసిక ఫలితాలు మార్కెట్‌కు ఊతమిచ్చాయి. అలాగే విదేశీ సంస్థాగత ఇన్వెస్టర్లు (FIIs) రూ.2,980 కోట్ల విలువైన షేర్లను కొనుగోలు చేశారు.

హిందూస్థాన్ యూనిలీవర్, ఇన్ఫోసిస్, ఎల్‌అండ్‌టీ, ట్రెంట్, టాటా స్టీల్, ఎయిర్‌టెల్, హెచ్‌డీఎఫ్‌సీ బ్యాంక్ షేర్లు లాభపడగా, అదానీ పోర్ట్స్, మహీంద్రా అండ్ మహీంద్రా, పవర్ గ్రిడ్, బీఈఎల్, ఎన్‌టీపీసీ షేర్లు నష్టాల్లో ముగిశాయి. బ్రెంట్ క్రూడ్ ధర పెరిగినా ఐటీ, మెటల్ షేర్ల బలంతో మార్కెట్ లాభాల్లో నిలిచింది. ఇదే సమయంలో ఎం అండ్ ఎం తన ట్రక్, బస్ వ్యాపారాన్ని రూ.525 కోట్లకు ఎస్‌ఎంఎల్ మహీంద్రాకు విక్రయిస్తున్నట్లు ప్రకటించడంతో ఎస్‌ఎంఎల్ మహీంద్రా షేరు 20 శాతం అప్పర్ సర్క్యూట్‌ను తాకింది.

“News5am is a digital news platform that delivers crisp and reliable updates. It provides timely coverage of current affairs, sports, entertainment, business, and technology”.