Pakistan launches strikes: ఆఫ్ఘనిస్తాన్ సరిహద్దుల్లో పాకిస్తాన్ మరోసారి వైమానిక దాడులు చేసింది. జూన్ 28 అర్ధరాత్రి జరిగిన ఈ దాడుల్లో పిల్లలు, వృద్ధులతో సహా 35 మందికి పైగా పౌరులు మరణించారని ఆఫ్ఘన్ అధికారులు తెలిపారు. అయితే కరాచీలోని పాకిస్తాన్ రేంజర్స్ ప్రధాన కార్యాలయంపై జరిగిన ఉగ్రదాడికి ప్రతీకారంగానే ఈ దాడులు చేశామని పాకిస్తాన్ ప్రకటించింది. ఆఫ్ఘన్ భూభాగంలో పనిచేస్తున్న ఉగ్రవాదుల స్థావరాలనే లక్ష్యంగా చేసుకున్నామని, ఈ ఆపరేషన్లో 29 మంది ఉగ్రవాదులను హతమార్చినట్లు తెలిపింది.
పాకిస్తాన్ ఆరోపణలను ఆఫ్ఘనిస్తాన్ తీవ్రంగా ఖండించింది. ఉగ్రవాదులపై కాదు, సాధారణ ప్రజలు నివసించే ప్రాంతాలపైనే బాంబు దాడులు జరిగాయని పేర్కొంది. పక్తికా, పక్తియా, కునార్ ప్రావిన్స్లలో జరిగిన ఈ దాడుల్లో ఇళ్లు, మసీదులు కూడా దెబ్బతిన్నాయని, 36 మంది మరణించగా 100 మందికి పైగా గాయపడ్డారని తెలిపింది. తొలి దాడి తర్వాత సహాయక చర్యలు కొనసాగుతున్న సమయంలో అదే ప్రాంతాలపై మరోసారి బాంబులు వేయడంతో రక్షక సిబ్బంది, గ్రామస్థులు కూడా గాయపడ్డారని ఆఫ్ఘన్ అధికారులు ఆరోపించారు. ఈ ఆరోపణలపై పాకిస్తాన్ ఇప్పటివరకు స్పందించలేదు.
“News5am is a digital news platform that delivers crisp and reliable updates. It provides timely coverage of current affairs, sports, entertainment, business, and technology”.
Internal Links:
రక్తదాన శిబిరం ప్రారంభించిన మంచు మనోజ్…
తెలంగాణ అంతటా విస్తరించిన రుతుపవనాలు…
External Links:
అర్ధరాత్రి పాకిస్థాన్ ఊచకోత: అఫ్గాన్ సరిహద్దుల్లో భీకర దాడులు.. 36 మంది మృతి..!