Akhil Raj Delivery Boy Incident

Akhil Raj Delivery Boy Incident: ఇటీవల సోషల్ మీడియాలో వైరల్ అయిన హీరో అఖిల్ రాజ్–ఫుడ్ డెలివరీ బాయ్ వివాదంలో కొత్త విషయాలు బయటపడ్డాయి. ఈ గొడవకు ప్రధాన కారణం తన తప్పేనని డెలివరీ బాయ్ స్వయంగా క్షమాపణ చెప్పాడు. తాను ఆర్డర్‌ను తప్పు అడ్రస్‌కు ఇచ్చానని, హీరో కుటుంబం శాకాహారులు కావడంతో నాన్‌వెజ్ ఆర్డర్ వారి ఇంటికి వెళ్లి గొడవ జరిగిందని తెలిపాడు. హీరో తల్లితో వాగ్వాదం జరిగిన తర్వాత భయంతోనే వీడియో తీశానని, పబ్లిసిటీ లేదా సానుభూతి కోసం కాదని చెప్పాడు. ఆవేశంలో ఆ వీడియోను సోషల్ మీడియాలో పెట్టానని, అది ఇంత పెద్ద వివాదం అవుతుందని ఊహించలేదని వెల్లడించాడు.

తాను హీరోను మొదట గుర్తించలేదని, తర్వాత వీడియో తొలగించి క్షమాపణ చెప్పాలని అనుకున్నా అప్పటికే అది వైరల్ అయిందని డెలివరీ బాయ్ తెలిపాడు. హీరో తల్లి గురించి చేసిన కొన్ని ఆరోపణలు కూడా నిజం కాదని ఒప్పుకున్నాడు. ఈ ఘటన తర్వాత హీరో ఇంటి వద్ద జరిగిన ఆందోళనల్లో తనకు ఎలాంటి సంబంధం లేదని స్పష్టం చేశాడు. చివరగా ఈ ఘటనలో ఎక్కువ తప్పు తనదేనని అంగీకరిస్తూ, హీరో అఖిల్ రాజ్‌ను, వారి కుటుంబాన్ని ట్రోల్ చేయడం ఆపాలని ప్రజలను కోరాడు. తనపై ఎలాంటి చట్టపరమైన చర్యలు తీసుకున్నా ఎదుర్కొనేందుకు సిద్ధంగా ఉన్నానని తెలిపాడు.

“News5am is a digital news platform that delivers crisp and reliable updates. It provides timely coverage of current affairs, sports, entertainment, business, and technology”.