Rambha Urvashi Menaka Teaser

Rambha Urvashi Menaka Teaser: కొంతకాలంగా సీరియస్, విభిన్న కథలను ఎంచుకుంటున్న అల్లరి నరేష్ మరోసారి కామెడీ జానర్‌లోకి వచ్చారు. ఆయన హీరోగా నటించిన ‘రంభ ఊర్వశి మేనక’ సెప్టెంబర్ 4న విడుదల కానుంది. తాజాగా విడుదలైన టీజర్‌లో భూమిపైకి దేవకన్యలు ఎందుకు వస్తారు, వారి రాకతో నరేష్ జీవితంలో ఎలాంటి గందరగోళం మొదలవుతుందనే అంశాలను చూపించారు. ఓ మాయా పుస్తకం ద్వారా ఇంద్రలోకానికి ద్వారాలు తెరుచుకుని రంభ, ఊర్వశి, మేనకలు భూమిపైకి వస్తారని టీజర్‌లో తెలుస్తోంది. దేవకన్యల కోసం 25 ఏళ్లుగా ఎదురుచూసే నరేష్ జీవితంలో వారు వచ్చిన తర్వాత అసలు కామెడీ మొదలవుతుందని హింట్ ఇచ్చారు. గ్రామీణ నేపథ్యంలో సాగే ఈ సినిమాలో వెన్నెల కిషోర్ ఇంద్రుడి పాత్రలో కనిపించనున్నారు.

ఈ చిత్రంలో సురభి కథానాయికగా నటిస్తుండగా, రాశి సింగ్ రంభగా, విష్ణుప్రియ ఊర్వశిగా, ప్రిషా సింగ్ మేనకగా కనిపించనున్నారు. చంద్ర మోహన్ చింతాడ దర్శకత్వం వహిస్తున్న ఈ సినిమాను అన్నపూర్ణ స్టూడియోస్, హాస్య మూవీస్ బ్యానర్లపై రజేష్ దండ, నిమ్మకాయల ప్రసాద్ నిర్మించారు. మాయా పుస్తకం, దేవకన్యల రాక, ఇంద్రుడి అడ్డంకులు, నరేష్ కామెడీతో ఈ సినిమా పూర్తి స్థాయి ఫాంటసీ ఎంటర్‌టైనర్‌గా కనిపిస్తోంది. చాలా కాలం తర్వాత అల్లరి నరేష్ పూర్తిస్థాయి కామెడీ పాత్రలో నటిస్తుండటంతో సినిమాపై అంచనాలు పెరిగాయి.

“News5am is a digital news platform that delivers crisp and reliable updates. It provides timely coverage of current affairs, sports, entertainment, business, and technology”.