8000 Grama Mahila Bhavans: తెలంగాణలో మహిళా స్వయం సహాయక సంఘాలను బలోపేతం చేయడానికి కాంగ్రెస్ ప్రభుత్వం గ్రామ మహిళా భవనాల నిర్మాణాన్ని ప్రతిష్టాత్మకంగా చేపట్టింది. గతంలో మహిళా సంఘాలకు సమావేశాలు, శిక్షణ కార్యక్రమాలు నిర్వహించేందుకు సరైన వసతులు లేకపోవడంతో సీఎం రేవంత్ రెడ్డి ప్రతి గ్రామంలో ఆధునిక సదుపాయాలతో మహిళా భవనాలు నిర్మించాలని నిర్ణయించారు. ఈ భవనాలు సమావేశాలతో పాటు మహిళలు తయారు చేసే ఉత్పత్తుల ప్రదర్శన, మార్కెటింగ్ కేంద్రాలుగా కూడా ఉపయోగపడనున్నాయి. రాష్ట్రవ్యాప్తంగా సుమారు 8,000 భవనాలను నిర్మించనున్నారు.
ఈ ప్రాజెక్టు ద్వారా లక్షలాది మహిళలకు ప్రయోజనం కలగనుంది. ఇందిరమ్మ కమిటీల సమావేశాలు, మహిళా పారిశ్రామికవేత్తల శిక్షణ కార్యక్రమాలకు ఇవి వేదికలుగా మారనున్నాయి. మహిళలకు ఉపాధి అవకాశాలు పెంచేందుకు ప్రభుత్వం వడ్డీ లేని రుణాలు, ఉచిత ఆర్టీసీ బస్సు ప్రయాణం వంటి పథకాలు అమలు చేస్తోంది. సోమవారం సీఎం రేవంత్ రెడ్డి వర్చువల్గా ఈ పనులను ప్రారంభించి, జిల్లాల కలెక్టర్లు, మహిళా ప్రతినిధులతో వీడియో కాన్ఫరెన్స్ నిర్వహించనున్నారు. మహిళల సమస్యలు, భవిష్యత్ ప్రణాళికలపై అభిప్రాయాలు తెలుసుకుని, వారి ఆర్థిక అభివృద్ధికి ప్రత్యేక నిధులు కేటాయించనున్నట్లు ప్రభుత్వం తెలిపింది.
“News5am is a digital news platform that delivers crisp and reliable updates. It provides timely coverage of current affairs, sports, entertainment, business, and technology”.
Internal Links:
రక్తదాన శిబిరం ప్రారంభించిన మంచు మనోజ్…
ది గర్ల్ ఫ్రెండ్.. బాగానే వసూలు చేస్తుందిగా….
External Links:
తెలంగాణ మహిళలకు రేవంత్ సర్కార్ కానుక.. రేపే ప్రారంభం..