Crop Procurement Crisis Telangana: బీఆర్ఎస్ వర్కింగ్ ప్రెసిడెంట్, మాజీ మంత్రి కేటీఆర్ రాష్ట్రంలో పంట కొనుగోళ్ల సమస్యపై సీఎం రేవంత్ రెడ్డికి లేఖ రాశారు. రైతుల పంటలను ప్రభుత్వం సరిగా కొనుగోలు చేయడం లేదని ఆయన తీవ్ర విమర్శలు చేశారు. కొనుగోలు కేంద్రాల్లో రైతులు ఇబ్బందులు పడుతున్నారని, కొందరు ప్రాణాలు కూడా కోల్పోతున్నారని ఆవేదన వ్యక్తం చేశారు. రెండు నెలలు గడిచినా ప్రభుత్వం స్పందించలేదని, ధాన్యం కొనుగోళ్లలో పూర్తిగా విఫలమైందని ఆరోపించారు. గన్నీ బ్యాగుల కొరత, తరుగుల సమస్య, బోనస్ చెల్లింపుల విషయంలో కూడా కాంగ్రెస్ ప్రభుత్వాన్ని కేటీఆర్ తప్పుబట్టారు.
కొనుగోలు కేంద్రాల్లో మరణించిన రైతుల కుటుంబాలకు రూ.25 లక్షల పరిహారం ఇవ్వాలని కేటీఆర్ డిమాండ్ చేశారు. ఈ నెల 23న జరిగే క్యాబినెట్ సమావేశంలో రైతుల సమస్యలపై కీలక నిర్ణయం తీసుకోవాలని కోరారు. ప్రతి గింజను కొనుగోలు చేసి రైతులకు వెంటనే డబ్బులు చెల్లించాలని అన్నారు. రైతుల సమస్యలను పట్టించుకోకపోతే కాంగ్రెస్ ప్రభుత్వానికి ప్రజలు గుణపాఠం చెబుతారని హెచ్చరించారు. చివరగా “జై కిసాన్.. జై తెలంగాణ” అంటూ తన లేఖను ముగించారు.
“News5am is a digital news platform that delivers crisp and reliable updates. It provides timely coverage of current affairs, sports, entertainment, business, and technology”.
Internal Links:
రక్తదాన శిబిరం ప్రారంభించిన మంచు మనోజ్…
ది గర్ల్ ఫ్రెండ్.. బాగానే వసూలు చేస్తుందిగా….
External Links:
“కేబినెట్ సమావేశంలోనైనా కళ్లు తెరవండి”.. సీఎం రేవంత్కి కేటీఆర్ లేఖ