Pocket Rockets Movie: నిహారిక కొణిదెల సమర్పణలో పింక్ ఎలిఫెంట్ పిక్చర్స్, మాక్సిమం సిటీ స్టూడియోస్ సంయుక్తంగా నిర్మిస్తున్న కొత్త సినిమాకు ‘పాకెట్ రాకెట్స్’ అనే టైటిల్‌ను ఖరారు చేశారు. రుద్ర అత్రి దర్శకత్వం వహిస్తున్న ఈ సినిమా టైటిల్, కాన్సెప్ట్ పోస్టర్‌ను చిత్రబృందం విడుదల చేసింది. ‘కమిటీ కుర్రోళ్లు’ ఫేమ్ త్రినాథ్ వర్మ, నిర్మల్ హీరోలుగా నటిస్తుండగా, శ్రియా కొంతం హీరోయిన్‌గా కనిపించనుంది. అలాగే, జేడీ చక్రవర్తి, శ్రీనివాస్ అవసరాల, శ్రీనివాస్ వడ్లమాని, కిరీటి దామరాజు కీలక పాత్రల్లో నటిస్తున్నారు. విదేశాల్లో ఉన్నత చదువులు చదవాలనే కల ఉన్న ఓ యువకుడు డబ్బు సంపాదించేందుకు గ్యాంబ్లింగ్ ప్రపంచంలోకి అడుగుపెట్టడం, ఆ తర్వాత ఎదురయ్యే సమస్యల చుట్టూ ఈ కథ సాగుతుంది.
ప్రస్తుతం ఈ సినిమా షూటింగ్ పూర్తయింది. దీంతో పోస్ట్ ప్రొడక్షన్ పనులు వేగంగా జరుగుతున్నాయి. త్వరలోనే టీజర్‌తో పాటు సినిమా విడుదల తేదీని ప్రకటించనున్నారు. ఈ చిత్రానికి ఎదురోలు రాజు సినిమాటోగ్రఫీ అందిస్తుండగా, గ్యానీ సంగీతం సమకూరుస్తున్నారు. అన్వర్ అలీ ఎడిటర్‌గా, విష్ణు వర్దన్ పుల్లా ప్రొడక్షన్ డిజైనర్‌గా పనిచేస్తున్నారు. యువతను ఆకట్టుకునే కథతో ఈ సినిమా ప్రేక్షకుల ముందుకు రానుంది.
“News5am is a digital news platform that delivers crisp and reliable updates. It provides timely coverage of current affairs, sports, entertainment, business, and technology”.
Internal Links:
రక్తదాన శిబిరం ప్రారంభించిన మంచు మనోజ్…
ది గర్ల్ ఫ్రెండ్.. బాగానే వసూలు చేస్తుందిగా….
External Links:
నిహారిక కొణిదెల నిర్మాణంలో ‘పాకెట్ రాకెట్స్’.. గ్యాంబ్లింగ్ నేపథ్యంలో యూత్‌ఫుల్ డ్రామా.!