Yellamma Title Song

Yellamma Title Song: ‘పుష్ప’ పాటలతో ప్రపంచవ్యాప్తంగా గుర్తింపు తెచ్చుకున్న రాక్‌స్టార్ దేవి శ్రీ ప్రసాద్, ఇప్పుడు ‘ఎల్లమ్మ’ సినిమా కోసం భారీ మ్యూజికల్ ప్రయోగం చేశారు. ‘బలగం’ సినిమాతో ప్రేక్షకుల మనసులు గెలుచుకున్న దర్శకుడు వేణు ఎల్దండి ఈ చిత్రాన్ని తెరకెక్కిస్తున్నారు. ఈ సినిమా టైటిల్ సాంగ్ కోసం డీఎస్పీ దేశంలోని వివిధ ప్రాంతాలకు చెందిన దాదాపు 100 మంది జానపద సంగీత కళాకారులను ఒకచోట చేర్చి, వారితో లైవ్‌లో పాటను రికార్డ్ చేయించారు. కంప్యూటర్ బీట్స్‌కు బదులుగా అసలైన జానపద వాయిద్యాల శబ్దాలతో ఈ పాటను రూపొందించారు. 100 మంది కళాకారుల వాయిద్యాల దరువులతో సాగే ఈ పాట ప్రేక్షకులకు మంచి అనుభూతిని కలిగిస్తుందని చిత్ర బృందం భావిస్తోంది. త్వరలోనే ఈ పాటను ఫస్ట్ సింగిల్‌గా విడుదల చేయడానికి మేకర్స్ సిద్ధమవుతున్నారు.

శ్రీ వెంకటేశ్వర క్రియేషన్స్ బ్యానర్‌పై దిల్ రాజు, శిరీష్, హన్షిత రెడ్డి, హర్షిత్ రెడ్డి ఈ సినిమాను నిర్మిస్తున్నారు. మురళి జీ సినిమాటోగ్రఫీ అందిస్తున్నారు. ఈ సినిమాలో దేవి శ్రీ ప్రసాద్ హీరోగా నటిస్తున్నారు. ప్రస్తుతం సినిమా షూటింగ్ చివరి దశకు చేరుకున్నట్లు సమాచారం. వచ్చే ఏడాది మార్చి 5న ప్రపంచవ్యాప్తంగా థియేటర్లలో విడుదల చేయాలని చిత్ర బృందం నిర్ణయించింది. వేణు ఎల్దండి భావోద్వేగ కథకు, డీఎస్పీ రూపొందించిన జానపద సంగీతం తోడవడంతో ఈ సినిమాపై ప్రేక్షకుల్లో భారీ అంచనాలు నెలకొన్నాయి.

“News5am is a digital news platform that delivers crisp and reliable updates. It provides timely coverage of current affairs, sports, entertainment, business, and technology”.