Extreme Heat In Delhi

Extreme Heat In Delhi: దేశ రాజధాని ఢిల్లీలో ప్రస్తుతం తీవ్ర ఎండలు కొనసాగుతున్నాయి. ఉత్తర భారతదేశంలోని అనేక ప్రాంతాల్లో ఉష్ణోగ్రతలు 40°C నుంచి 45°C మధ్య నమోదవుతున్నాయి. అయితే, వెదర్ యాప్స్‌లో కనిపించే ఉష్ణోగ్రతలకు బయట ప్రజలు అనుభవిస్తున్న వేడికి చాలా తేడా ఉంది. తూర్పు ఢిల్లీలోని నంద్ నగరి ప్రాంతంలో థర్మల్ కెమెరా, టెంపరేచర్ మీటర్‌తో పరీక్షలు నిర్వహించగా ఎండ నేరుగా పడే రోడ్లు, వాహనాలపై ఉష్ణోగ్రత 65°C కంటే ఎక్కువగా నమోదైంది. దీంతో రోడ్లు నిప్పులా వేడెక్కినట్లు కనిపించాయి. ముఖ్యంగా చిన్న పిల్లలు చెప్పులు లేకుండా తిరిగితే ప్రమాదం ఉంటుందని నిపుణులు హెచ్చరిస్తున్నారు.

అదే సమయంలో ఒక చెట్టు నీడలో ఉష్ణోగ్రత 40°C వరకు తగ్గడం గమనించారు. అంటే కేవలం కొద్ది దూరంలోనే దాదాపు 20°C తేడా కనిపించింది. నేరుగా ఎండలో గాల్లోని ఉష్ణోగ్రత 48°Cగా నమోదవగా, మొబైల్ వెదర్ యాప్స్ మాత్రం 42°C మాత్రమే చూపించాయి. అధికారిక వాతావరణ కేంద్రాలు నీడలో ఉష్ణోగ్రతను కొలుస్తాయి కాబట్టి ఈ తేడా వస్తుందని నిపుణులు చెబుతున్నారు. చెట్లు నీడ ఇవ్వడంతో పాటు గాలిని చల్లబరచే ప్రక్రియ ద్వారా పరిసరాల్లోని వేడిని తగ్గిస్తాయని, అందుకే చెట్లు ఉన్న ప్రాంతాల్లో ఉష్ణోగ్రత తక్కువగా ఉంటుందని తెలిపారు.

“News5am is a digital news platform that delivers crisp and reliable updates. It provides timely coverage of current affairs, sports, entertainment, business, and technology”.