Pm Modi 4pm Meeting

Pm Modi 4pm Meeting: ప్రధానమంత్రి నరేంద్ర మోడీ మంగళవారం సాయంత్రం 4 గంటలకు కేంద్ర ప్రభుత్వంలోని అన్ని మంత్రిత్వ శాఖలు, విభాగాల కార్యదర్శులతో కీలక సమావేశం నిర్వహించనున్నారు. ఈ సమావేశంలో పాలనలో సంస్కరణలు, ప్రభుత్వ సేవలను ప్రజలకు మరింత వేగంగా అందించడం, సంక్షేమ పథకాల అమలు, నిర్ణయాల వేగం పెంచడం, పరిపాలనను సరళీకరించడం వంటి అంశాలపై సమీక్ష జరగనుంది. అలాగే ప్రతి శాఖ కార్యదర్శి తమ శాఖ పనితీరు, చేపట్టిన సంస్కరణలు, ముఖ్య పథకాల అమలు పురోగతిపై ప్రజెంటేషన్ ఇవ్వనున్నారు. దేశాన్ని 2047 నాటికి అభివృద్ధి చెందిన దేశంగా తీర్చిదిద్దే ‘వికసిత్ భారత్ 2047’ లక్ష్యంపై కూడా ప్రధాని దిశానిర్దేశం చేయనున్నారు.

అదే విధంగా దేశ ఆర్థిక పరిస్థితి, ప్రభుత్వ పనితీరు, ప్రజలకు సేవల అందుబాటు మెరుగుపర్చే చర్యలపై కూడా చర్చ జరగనుంది. 2025-26 ఆర్థిక సంవత్సరంలో భారత్ 7.7 శాతం వృద్ధి నమోదు చేయడంపై సమీక్షతో పాటు, ప్రజలతో మరింత మమేకం కావాలని, పనితీరు తక్కువగా ఉన్న శాఖలు మెరుగుదల సాధించాలని ప్రధాని సూచించే అవకాశం ఉంది. ఈ సమావేశానికి ప్రధాన కార్యదర్శులు, కేబినెట్ కార్యదర్శి, కేంద్రంలోని అన్ని మంత్రిత్వ శాఖల కార్యదర్శులు హాజరుకానున్నారు. ఇందులో తీసుకునే నిర్ణయాలు రాబోయే రోజుల్లో ప్రభుత్వ పాలనా విధానానికి కీలకంగా మారే అవకాశం ఉంది.

“News5am is a digital news platform that delivers crisp and reliable updates. It provides timely coverage of current affairs, sports, entertainment, business, and technology”.