Mohammed Kala Basha: ‘కుర్చీ తాత’గా సోషల్ మీడియాలో వైరల్ అయిన మహ్మద్ కాలా బాషా (66) ఇక లేరు. హైదరాబాద్లోని కృష్ణకాంత్ పార్క్ ప్రాంతంలో ఉంటూ జీవనం సాగించిన ఆయన, తీవ్ర అనారోగ్యంతో బుధవారం సాయంత్రం కన్నుమూశారు. మంగళవారం సాయంత్రం ఎండదెబ్బ కారణంగా కృష్ణకాంత్ పార్క్ వద్ద నడుస్తూ ఒక్కసారిగా కుప్పకూలిపోయారు. అక్కడ ఉన్నవారు CPR చేయడానికి ప్రయత్నించినా ప్రయోజనం లేకపోయింది. కుటుంబ సభ్యులు ఇంటికి తీసుకెళ్లగా, చివరకు భార్య ఒడిలోనే ఆయన తుదిశ్వాస విడిచారు.
వరంగల్ జిల్లా కరీమాబాద్కు చెందిన మహ్మద్ పాషా ఉపాధి కోసం హైదరాబాద్ వచ్చారు. బోరబండ ప్రాంతంలో ఉంటూ యూసుఫ్గూడ, కృష్ణకాంత్ పార్క్ ప్రాంతాల్లో తిరుగుతూ భిక్షాటన చేసేవారు. ఒక యూట్యూబ్ ఇంటర్వ్యూలో ఆయన చెప్పిన ‘‘ఆ కుర్చీని మడతబెట్టి..’’ అనే డైలాగ్ సోషల్ మీడియాలో భారీగా వైరల్ అయి, ఆయనకు ‘కుర్చీ తాత’ అనే గుర్తింపు తెచ్చింది. తర్వాత ‘గుంటూరు కారం’ సినిమాలో కూడా ఆ డైలాగ్ వాడడంతో ఆయన మరింత పాపులర్ అయ్యారు. కొంతకాలం సోషల్ మీడియాలో గుర్తింపు వచ్చినా, తర్వాత అందరూ మర్చిపోవడంతో ఆయన మళ్లీ కష్టాల్లో పడ్డారు. అనారోగ్యం, మద్యం అలవాటు కారణంగా జీవితం మరింత ఇబ్బందిగా మారి, చివరకు ఎండల తీవ్రత మధ్య ఆయన మరణించారు.
“News5am is a digital news platform that delivers crisp and reliable updates. It provides timely coverage of current affairs, sports, entertainment, business, and technology”.
Internal Links:
విషపూరితంగా మారిన కిడ్స్ సిరప్..
SSC GD 2025 ఫలితాలు ssc.gov.in లో విడుదల అయ్యాయి.
External Links:
‘కుర్చీ తాత’ ఇక లేరు.. ఒక్క డైలాగ్తో చరిత్ర సృష్టించిన బాషా గురించి ఆసక్తికర విషయాలు..