Revanth Reddy Meeting: తెలంగాణ ప్రొబేషనరీ డీఎస్పీలతో జరిగిన సమావేశంలో సీఎం రేవంత్ రెడ్డి పలు కీలక సూచనలు చేశారు. పోలీసు అధికారులు తమ బాధ్యతలను నిబద్ధతతో నిర్వహించాలని, అధికారాన్ని దుర్వినియోగం చేయకూడదని హెచ్చరించారు. రాష్ట్రంలో శాంతిభద్రతలు, అభివృద్ధి క్షేత్రస్థాయిలో పనిచేసే డీఎస్పీల పనితీరుపైనే ఆధారపడి ఉంటాయని తెలిపారు. ప్రజల సమస్యలను ఓపికగా విని పరిష్కరించాలని, పోలీస్ వ్యవస్థపై ప్రజలకు ఉన్న నమ్మకాన్ని కాపాడాలని సూచించారు. అధికారాన్ని వ్యక్తిగత ప్రయోజనాల కోసం కాకుండా ప్రజల సంక్షేమం కోసం ఉపయోగించాలని స్పష్టం చేశారు.
ప్రస్తుతం సైబర్ నేరాలు, డ్రగ్స్ పోలీసులకు పెద్ద సవాలుగా మారాయని సీఎం పేర్కొన్నారు. హైదరాబాద్‌లో డ్రగ్స్ సమస్యను అరికట్టేందుకు ప్రభుత్వం ఈగల్ ఫోర్స్‌ను ఏర్పాటు చేసిందని తెలిపారు. డ్రగ్స్ వ్యాపారం చేసే వారిపై కఠిన చర్యలు తీసుకుంటామని హెచ్చరించారు. అలాగే హైదరాబాద్‌లో ట్రాఫిక్ సమస్యలు పెరగకుండా ప్రత్యేక చర్యలు తీసుకోవాలని డీఎస్పీలకు సూచించారు. సైబర్ క్రైమ్, ఫుడ్ సేఫ్టీ వంటి విభాగాల్లో ఆసక్తి ఉన్న పోలీసులకు విదేశాల్లోనూ ప్రత్యేక శిక్షణ అందిస్తామని, ఆధునిక సవాళ్లను ఎదుర్కొనేలా పోలీసు శాఖను అభివృద్ధి చేస్తామని రేవంత్ రెడ్డి వెల్లడించారు.
“News5am is a digital news platform that delivers crisp and reliable updates. It provides timely coverage of current affairs, sports, entertainment, business, and technology”.
Internal Links:
ప్రపంచ దిగ్గజాలంత ఓ వైపు.. టీమిండియా ఒక్కటే మరోవైపు..
External Links:
పది మంది డీఎస్పీలు చాలు.. ప్రభుత్వ ప్రతిష్ట పెంచినా, తగ్గించినా