PM Narendra Modi: నరేంద్ర మోడీ 4,078 రోజుల పాటు ప్రధానమంత్రి పదవిలో కొనసాగుతూ దేశ చరిత్రలో కొత్త రికార్డు సృష్టించారు. ఇప్పటి వరకు ప్రధానిగా 4,077 రోజుల పాటు పనిచేసిన ఇందిరాగాంధీ రికార్డును మోడీ అధిగమించారు. కాంగ్రెసేతర నేతలలో ఇది ఒక గణనీయమైన మైలురాయిగా నిలిచింది. మోడీ 2014, 2019లో పూర్తి మెజారిటీతో, 2024లో మిత్రపక్షాల మద్దతుతో మూడోసారి ప్రధాని అయ్యారు. ఇందిరాగాంధీ తర్వాత పూర్తి మెజారిటీతో వరుసగా రెండుసార్లు అధికారంలోకి వచ్చిన ప్రధానిగా మోడీనే ఉన్నారు.
మోడీ వరుసగా ఆరు సార్లు ఎన్నికల్లో గెలిచి ముఖ్యమంత్రిగా (2002, 2007, 2012) గుజరాత్ను, ప్రధానిగా (2014, 2019, 2024) దేశాన్ని పాలిస్తున్నారు. ఆయన రాజకీయ ప్రయాణం ఒక నిరాడంబర కుటుంబం నుంచి ప్రారంభమై, టీ అమ్మే చిన్నబాలుడిగా ప్రారంభమై, RSS, BJPలో ఎన్నో హోదాల్లో ఎదిగిన నేపథ్యం గలది. మే 26, 2014న మొదటిసారి ప్రధాని అయిన మోడీ, అప్పటి నుంచి దేశంలో పాలన కొనసాగిస్తున్నారు. అంతర్జాతీయంగా కూడా మోడీకి మంచి గుర్తింపు లభించింది, ప్రపంచ నేతలతో మంచి సంబంధాలు ఆయన ప్రభావాన్ని పెంచాయి. 2014లో బీజేపీ 272, 2019లో 303 స్థానాలు గెలిచి అధికారం దక్కించుకోగా, 2024లో మిత్రపక్షాల మద్దతుతో మూడోసారి మోడీ ప్రధాని అయ్యారు.
Internal Links:
హాట్ టాపిక్గా మారిన ధన్ఖడ్ రాజీనామా వ్యవహారం..
External Links:
మోడీ సరికొత్త రికార్డ్! దేశ చరిత్రలో..!