Husband Fires At Wife: మల్కాజ్గిరి పరిధిలోని మారుతీ నగర్లో జరిగిన కాల్పుల ఘటన స్థానికంగా కలకలం రేపింది. ఉషారాణి, ఆమె భర్త అరుణ్ మధ్య కొంతకాలంగా కుటుంబ విభేదాలు కొనసాగుతున్నాయి. ఈ నేపథ్యంలో భార్యపై కోపం పెంచుకున్న అరుణ్ ఆమెపై దాడి చేయాలని నిర్ణయించుకున్నట్లు సమాచారం. రియల్ ఎస్టేట్ వ్యాపారం చేసే అరుణ్, తన స్నేహితుల సహాయంతో తుపాకీ సంపాదించి, ముందస్తు ప్రణాళికతో మారుతీ నగర్కు వచ్చి ఉషారాణిపై కాల్పులు జరిపాడు.
కాల్పుల అనంతరం అరుణ్ మరియు అతనికి సహకరించిన మరో వ్యక్తి బైక్పై అక్కడి నుంచి పారిపోయారు. కాల్పుల శబ్దం విన్న స్థానికులు వెంటనే పోలీసులకు సమాచారం ఇచ్చారు. ఘటన స్థలానికి చేరుకున్న పోలీసులు కేసు నమోదు చేసి నిందితుల కోసం గాలింపు చేపట్టారు. అరుణ్కు పాతబస్తీలోని ఆయుధాల ముఠాలతో సంబంధాలు ఉన్నాయా అనే కోణంలో కూడా దర్యాప్తు చేస్తున్నారు. భార్యాభర్తల మధ్య ఉన్న విభేదాలే ఈ ఘటనకు కారణమై ఉండవచ్చని ప్రాథమిక విచారణలో తేలింది.
“News5am is a digital news platform that delivers crisp and reliable updates. It provides timely coverage of current affairs, sports, entertainment, business, and technology”.
Internal Links:
ఇంట్లో ఒంటరిగా ఉన్న సమయంలో రేణు అగర్వాల్ దారుణ హత్య
External Links:
మల్కాజ్గిరిలో కలకలం.. భార్యపై కాల్పులు జరిపి పారిపోయిన భర్త.!