Alla Nani No More

Alla Nani No More: ఆంధ్రప్రదేశ్ రాజకీయాల్లో విషాదం నెలకొంది. ఏపీ మాజీ డిప్యూటీ సీఎం, మాజీ మంత్రి ఆళ్ల నాని (ఆళ్ల కాళీ కృష్ణ శ్రీనివాస్) 57 ఏళ్ల వయసులో విశాఖపట్నంలోని తన నివాసంలో గుండెపోటుతో కన్నుమూశారు. 1969 డిసెంబర్ 30న ఏలూరులో జన్మించిన ఆయన కాంగ్రెస్ పార్టీతో రాజకీయ ప్రస్థానం ప్రారంభించి ఏలూరు నుంచి మూడుసార్లు ఎమ్మెల్యేగా గెలిచారు. 2004, 2009లో కాంగ్రెస్ తరఫున, 2019లో వైఎస్సార్ కాంగ్రెస్ పార్టీ తరఫున ఎమ్మెల్యేగా విజయం సాధించారు. వైసీపీ ప్రభుత్వంలో 2019 నుంచి 2021 వరకు డిప్యూటీ సీఎంగా, ఆరోగ్య, కుటుంబ సంక్షేమం, వైద్య విద్య శాఖల మంత్రిగా పనిచేశారు. 2022లో మంత్రి పదవులకు రాజీనామా చేశారు.

2024 అసెంబ్లీ ఎన్నికల్లో ఏలూరు నుంచి పోటీ చేసి టీడీపీ అభ్యర్థి చేతిలో ఓటమి పాలైన ఆళ్ల నాని, అదే ఏడాది ఆగస్టు 9న వైసీపీకి రాజీనామా చేశారు. అనంతరం 2025 ఫిబ్రవరి 13న టీడీపీ అధినేత చంద్రబాబు నాయుడు సమక్షంలో టీడీపీలో చేరారు. విశాఖలో ఉన్న సమయంలో కార్డియాక్ అరెస్ట్‌కు గురైన ఆయన ఆసుపత్రికి తరలించేలోపే మృతి చెందినట్లు సమాచారం. ఆళ్ల నాని మృతితో కుటుంబ సభ్యులు, అభిమానులు, అనుచరుల్లో విషాదం నెలకొంది. ఆయన భౌతికకాయాన్ని విశాఖపట్నం నుంచి ఏలూరుకు తరలించి అంత్యక్రియలు నిర్వహించేందుకు ఏర్పాట్లు చేస్తున్నారు.

“News5am is a digital news platform that delivers crisp and reliable updates. It provides timely coverage of current affairs, sports, entertainment, business, and technology”.